Tags-Safar

aa.egā aisā bhī ik moḌ safar meñ 'rāhī'
gard bhī merī na pāoge tum āsānī se

the jigar qalb-o-nazar zād-e-safar jab 'shāzī'
ḳhauf-e-tanhā.ī thā kyuuñ izn-e-safar hone tak

kyuuñ na hue āshiqī meñ ḳhauf raqīb
har safar meñ ḳhatar hai rahzan kā

kahāñ se aa.iiñ kānoñ ke liye rim-jhim sī āvāzeñ
jaras ik lafz-e-pārīna hai shahnā.ī safar meñ hai

ye bastī hai ki zindāñ kuchh bhī to palle nahīñ paḌtā
the kab pachhuā ke din aur kab se purvā.ī safar meñ hai

akele-pan kā 'azmī' ho bhī to ehsās kaise ho
tasalsul se hamārī shām-e-tanhā.ī safar meñ hai

ḳhabar bhī to nahīñ hai ab kidhar ko jā rahe haiñ ham
sarāboñ kā safar hai ābla-pā.ī safar meñ hai

koī aahaT banātī hī nahīñ ummīd kā mausam
kuchh aisī chup lagī hai jaise goyā.ī safar meñ hai

bagūle rahnumā haiñ bād-e-sahrā.ī safar meñ hai
rukeñ kaise hamāre saath rusvā.ī safar meñ hai

use sadiyāñ lageñgī niiñd se bedār hone meñ
abhī āġhāz kā mausam hai añgḌā.ī safar meñ hai

azal se tā-abad hai kār-farmā gardish-e-daurāñ
ki nādānī hazar meñ aur dānā.ī safar meñ hai

bulandiyoñ ke safar meñ qadam zamīñ pe raheñ
ye taḳht-o-tāj bhī hote nahīñ haiñ daar se kam

milā bhī ziist meñ kyā ranj-e-rah-guzār se kam
so apnā shauq-e-safar bhī nahīñ ġhubār se kam

dil meñ bhī miltā hai vo kaaba bhī us kā hai maqām
raah nazdīk kī ai azm-e-safar paidā kar

tham zarā ai adam-ābād ke jaane vaale
rah ke duniyā meñ abhī zād-e-safar paidā kar

bichhaḌte vaqt kā manzar bhī dhyān meñ rakhnā
safar meñ kaam ye raḳht-e-safar bhī aa.egā

juuñ jaras bām-o-dar-e-har-ḳhāna se uTThegā shor
mat safar se hashr barpā sāz-e-suhhā hojiye

ye be-ḳhabarī dekh ki jab ham-safar apne
kosoñ ga.e tab aah ḳhabar-dār hue ham

azīzo aao ab ik al-vidā.ī jashn kar leñ
ki is ke ba.ad ik lambā safar afsos kā hai

tamāsha rahguzar-dar-rahguzar afsos kā hai
bhale hī ḳhush haiñ sab lekin safar afsos kā hai