Tags-Sahra

le ga.e log vo dariyā-e-javāñ apne saath
aur mire haath jo aayā hai vo sahrā dukh hai

mausam ho koī yaad ke ḳheme nahīñ uThte
sahrā se tire chāhne vaale nahīñ uThte

balā kī pyaas thī hadd-e-nazar meñ paanī thā
ki aaj ḳhvāb meñ sahrā thā ghar meñ paanī thā

sahrā meñ havā bal khātī hai bādal ko sabā sankātī hai
paanī se zamīñ narmātī hai sabzoñ se fazā lahrātī hai

rañgīñ gulshan rañgī sahrā rañgī duniyā rañgī bāteñ
nāche kheleñ dauḌeñ bhāgeñ rātoñ jāgeñ nīñdoñ māteñ

dil ki ārā.ish-e-ālam kā tamāshā dekhe
gar kabhī ḳhud pe nazar jaa.e to sahrā dekhe

ham apne raste se haT ga.e haiñ bhaTak ga.e haiñ
na koī sahrā na koī dariyā suno ġhazāla

mire dast-e-junūñ ko mashġhalā achchhā nikal aayā
garebāñ phaT gayā to dāman-e-sahrā nikal aayā

vo namāzeñ ki adā ho na sakīñ
ab bhī sahrā meñ vuzū boltā hai

pukārtā huuñ ki tum hāsil-e-tamannā ho
agarche merī sadā bhī sadā-ba-sahrā ho

ye mahaktī huī ġhazal 'maḳhdūm'
jaise sahrā meñ raat phūloñ kī

jin se ummīd hai sahrā meñ ghanī chhāñv kī
un daraḳhtoñ ke liye Dher sā paanī le jā

isī sahrā se merī nisbateñ haiñ
jahāñ kā maiñ hī ik vāhid shajar huuñ

shauq-e-ta.amīr basā.egā ḳharābe kyā kyā
aadmī hai to har ik shahar meñ sahrā hogā

tā-hadd-e-nazar mere sivā koī nahīñ hai
maiñ jaise kisī dard ke sahrā meñ khaḌā huuñ

maiñ ek Thikāna DhūñDtā huuñ
jo sahrā hai na hī dariyā hai

tumhārī aah kā ye kaun sā andāz hai vāzeh nahīñ hotā
muamma ye nahīñ khultā ki tum dariyā ko sahrā kaise karte ho

āvāz huuñ ubhar ke jo sahrā meñ kho ga.ī
yā zindagī ke bahr meñ mauj-e-ḳhayāl huuñ

gūñjtī hai mire kānoñ meñ yuuñ āvāz tirī
koh o sahrā meñ azānoñ kī sadā ho jaise

kal chaman thā aaj ik sahrā huā
dekhte hī dekhte ye kyā huā