Tags-Saqi

aamad meñ us kī mast hue kuchh ḳhabar nahīñ
saaqī hai kaun jaam kahāñ aur kidhar sharāb

chashm-e-sāqī ke liye haiñ teġh-e-abrū dosh par
lag na chal un se 'baqā' ye turk mast-e-bāda haiñ

na jaane in dinoñ kyā ho gayā hai saaqī ko
nigāh-e-rind meñ husn-e-talab nahīñ paḌhtā

mere saaqī tire andāz-e-karam ke sadqe
ab to 'maikash' bhī nazar aatā hai insāñ kī tarah

kaun saaqī kaisā paimāna kahāñ sahbā-e-tez
aabrū yuuñ rah ga.ī hai sar meñ thā saudā tirā

kaun sā bāda-kash aisā hai ki jis kī ḳhātir
jaam pahle hī se saaqī ne uThā rakkhā hai

naam saaqī kā ho gayā varna
mai-kade meñ hai hā-o-hū ham se

atā ko dekh apnī zarf-e-dil kā zikr kyā saaqī
ki dariyā bhī samā hai zarf-e-dil kī vus.at meñ

saaqī na hove paas tū kab jur.a-e-sharāb
shīshe ke le gulū se qadah aur qadah se ham

abhī to kitne haiñ jin par harām hai saaqī
kahīñ ye toḌ na deñ mai-kade kā darvāza

hosh kā zāmin thā saaqī kaif-parvar dil kā shauq
jaam thā paas aur be-andesha-e-anjām thā

bajā.e ḳhuuñ mai jhalak rahī hai hamārī rag rag se ab to saaqī
bahut hī be-kaif zindagī thī ḳhumār-āgīñ nazar se pahle

saaqī mujhe bhī yaad haiñ vo tishna-kāmiyāñ
jin ko harīf-e-sāġhar-o-mīnā banā diyā

tere paimāne meñ gardish nahīñ baaqī saaqī
aur tirī bazm se ab koī uThā chāhtā hai

nazar milte hī saaqī se girī ik barq sī dil par
vo uTThā shor TuuTe jaam ki ban aa.ī mahfil par

karo rindo gunāh-e-mai-parastī
ki saaqī hai atā-pāsh o ḳhatā-posh

ḳhud shaiḳh-o-barahman mujrim haiñ ik kaam se donoñ pī na sake
saaqī kī buḳhl-pasandī par saaqī kā shikvā kyā ma.anī

tabassum-e-lab-e-sāqī chaman khilā hī gayā
nashāt-e-fasl-e-bahārāñ diloñ pe chhā hī gayā