Tags-Saqi

ḳhat-e-sāġhar meñ rāz-e-haq-o-bātil dekhne vaale
abhī kuchh log haiñ saaqī kī mahfil dekhne vaale

abhī raat kuchh hai baaqī na uThā naqāb saaqī
tirā rind girte girte kahīñ phir sambhal na jaa.e

ye rū-e-raushan aur ye gesu-e-mushk-e-fām
yaañ shaam meñ to sub.h hai aur sub.h meñ hai shaam

chhilke na subū aur jhuum uTheñ qatra na mile aur pyaas bujhe
ye zarf hai piine vāloñ kā saaqī kā koī e.ajāz nahīñ

shab ḳhumār-e-husn-e-saqī hairat-e-mai-ḳhāna thā
aap hī mai aap hī ḳhum aap hī paimāna thā

suḳhan-fahmoñ ke dil meñ ab bhī terī yaad baaqī hai
ġhazal ke mai-kada jab tak hai qaa.em tū hī saaqī hai

na jaam hai na surāhī hai dekh ai saaqī
mire na hone se bazm-e-takallufāt luTī

ġhairat-e-sañg hai saaqī ye gulū-e-tishna
tere paimāne meñ jo mauj hai talvār sahī

is daur meñ kitne shaiḳh-e-haram mai-ḳhāne kā rasta pūchh ga.e
saaqī kī nazar begāna sahī kuchh kār-e-jahāñ samjhā hī ga.ī

yahāñ bhī kuchh nigāheñ tishna-e-dīdār haiñ saaqī
idhar bhī ek daur-e-nargis-e-mastāna ho jaa.e

nigāh-e-mast saaqī kī tilism-e-rañg-o-mastī hai
kahīñ paimāna ban jaa.e kahīñ mai-ḳhāna ban jaa.e

sū-e-haram-o-dair kabhī ruḳh na kareñge
jin ko mire saaqī kī hai rañgīñ-nazarī yaad

aaj saaqī shikār khelegā
bat-e-mai kāñsa-e-sharāb meñ hai

sau baar de kar jām-o-ḳhum mamnūn saaqī ne kiyā
is kā taqāzā thā ki pī merī guzārish thī ki bas

mach rahe the chahchahe aur uḌ rahe the qahqahe
sāqī-o-sāġhar surāhī phuul itr-o-pān the

dast-e-sāqī jām-e-jamshedī se baḌh kar hai mujhe
dono aalam ke maiñ kartā huuñ nazāre haath meñ

dast-e-sāqī par lagā.e aañkh rahtā hai mudām
jām-e-mai hai dīda-e-hasrat kisī mai-ḳhvār kā

saaqī kī chashm-e-mast kā nazzāra kījiye
sahbā ko dekhiye na piyāloñ ko dekhiye

tire rindoñ meñ ai saaqī bhalā itnī kahāñ tāqat
bachā kar apnā dāman mai-kade se vo guzar jaa.eñ

na tujh bin hosh meñ ham aa.e saaqī
musāfir hī rahe aksar vatan meñ