Tags-Saqi

rindān-e-lucknow ke liye tohfa-e-'umīd'
saaqī sharāb-e-ulfat-e-ahbāb le gayā

sau jaam kā nasha hai saaqī tirī nazar meñ
kahte haiñ bāda-kash bhī mujh ko tirā sharābī

karishma-e-mai-e-tauhīd ai ta.āl-allāh
surūr hai mire saaqī ko aur pī maiñ ne

mai pilānā hai to yuuñ saaqī pilā
ho kabhī ḳhālī na paimāna mirā

duur se aa.e the saaqī sun ke mai-ḳhāne ko ham
bas taraste hī chale afsos paimāne ko ham

saaqī sāġhar kī zarūrat hī kahāñ mere liye
terī āñkhoñ ke hī pyāle pur-asar ho jā.eñge

ġhulām us kā huuñ jo hai kausar kā saaqī
jabhī 'rind' mai-ḳhvār merā laqab hai

saaqī sharāb hai to ġhanīmat hai ab kī ab
phir bazm hogī jab to samajh liijo jab kī jab

toḌ kar dil nigah-e-mast na pher ai saaqī
bazm kī bazm hī be-jām huī jaatī hai

kis qadar rahmat-e-sāqī-e-azal aam hai aaj
raqs-e-paimāna liye gardish-e-ayyām hai aaj

saaqī vahī hai merā 'nājī' ki gar marūñ maiñ
mujh vāste banā de jā gor mai-kade meñ

dil-o-nigāh pe kyuuñ chhā rahā hai ai saaqī
ye terī aañkh kā nashsha sharāb se pahle

na bharā jaam na saaqī ne kabhī yaad kiyā
tāq-e-nisyāñ pe dharā rahtā hai miinā apnā

mai piine kā dil meñ josh na thā zāhir kī talab thī hosh meñ aa
saaqī ne milāyā zahar agar ai munkir-e-ehsāñ kuchh na kiyā

kyuuñ na us hasrat se merā shīsha-e-dil chuur ho
baaġh thā saaqī thā sabza thā havā thī maiñ na thā

saaqī tujhe kam-zarfī mastoñ se nahīñ lāzim
tarsā na mujhe kāfir sāġhar ke ta.iiñ bhar de

sunā de sāqi-e-daurāñ ko nālā-hā-e-'mazāq'
sipihr-e-ḳhāk meñ mastoñ kī hāv-hū na milā

saaqī se jo jaam le na baḌh kar
vo tishnagī tishnagī nahīñ hai

jo tirī nigāhoñ se be-piye milā saaqī
laakh jaam pī kar bhī vo mazā nahīñ miltā

saaqī kī baḌh chalī haiñ jo be-iltifātiyāñ
shāyad hamārī umr kā paimāna bhar gayā