Tags-Saqi

tirā mai-kada salāmat tire ḳhum kī ḳhair saaqī
mirā nashsha kyuuñ utartā mujhe kyuuñ ḳhumār hotā

isī meñ aa ga.ī hai khiñch ke saaqī ruuh taqvā kī
matā-e-dīn-o-īmāñ qīmat-e-ik-jām hai saaqī

azal se tā-abad yūñhī rahegā ḳhāk-e-mai-ḳhāna
'ġhubār'-e-ḳhasta-o-nākām jis kā naam hai saaqī

zamāne se alag ho kar mujhe duniyā-e-ulfat meñ
tirā ruḳh roz-e-raushan zulf terī shaam hai saaqī

zahe-qismat jo terā banda-e-be-dām hai saaqī

dil-e-nākām ko ulfat se terī kaam hai saaqī
mohabbat be-niyāz-e-ibrat-e-anjām hai saaqī

hue haiñ dil pe is se munkashif asrār hastī ke
navā-e-qulqul-e-mīnā mujhe ilhām hai saaqī

muhīt daur-e-sāġhar charḳh-e-nīlī-fām hai saaqī
ġhulām-e-chashm-e-maigūñ gardish-e-ayyām hai saaqī

ḳhudārā is taraf bhī ik nigāh-e-lutf ho jaa.e
mirī hastī hama hasrat hama ālām hai saaqī

tirā mai-ḳhvār ḳhush-āġhāz-o-ḳhush-anjām hai saaqī
ki dil meñ yaad terī lab pe terā naam hai saaqī

ḳhudā rakkhe tirī zulf-e-mo.ambar ke tasavvur se
taḳhayyul merā ambar-bīz-o-ambar-fām hai saaqī

na saaqī hai na ab vo shai hai baaqī
mirā daur aa gayā hai aur maiñ huuñ

mai bhī hai miinā bhī hai sāġhar bhī hai saaqī nahīñ
dil meñ aatā hai lagā deñ aag mai-ḳhāne ko ham

aaj mai-noshoñ kā majma.a hai kahāñ ai saaqī
kaun sī bazm meñ hai shor-o-shar-e-jām-e-sharāb

sāġhar-e-mai meñ nahīñ partav-e-ḳhāl-e-sāqī
hai kaf-e-duḳhtar-e-raz meñ sipar-e-jām-e-sharāb

dast-e-sāqī meñ rahe dast-e-qadah-kash meñ rahe
gardan-e-shīsha-e-sahbā kamar-e-jām-e-sharāb

mai pilātā hai agar Dhāñp le siina saaqī
tere joban ko lagegī nazar-e-jām-e-sharāb

jitne mai-ḳhvār haiñ saaqī se gale milte haiñ
sahar-e-īd banī hai ḳhabar-e-jām-e-sharāb

uThā jo miinā ba-dast-e-sāqī rahī na kuchh tāb-e-zabt baaqī
tamām mai-kash pukār uTThe yahāñ se pahle yahāñ se pahle

saaqī ke idhar jaam idhar nāz-o-adā se
jādū-nazrāñ ḳhush-nighāñ pesh-e-nazar the