Tags-Saqi

saaqī ke karam se faiz ye jaarī hai
yā pīr-e-ḳhar kī ġham ḳhvārī hai

riñd-e-muflis ko de hai zyaad sharāb
bhaa.ī mujh ko tirī ye ḳhū saaqī

ro nahīñ us ko bazm-e-mastāñ meñ
jis ke ta.iiñ tū na deve rū saaqī

raat o din mai-kashoñ ko rahtī hai
terī hī yaad o justujū saaqī

laate haiñ misl-e-shīsha-e-bāda
tere hī aage sarfarū saaqī

merī taskīñ na hogī sāġhar se
muñh se mere lagā subū saaqī

kisī ke aage misl-e-sāġhar ham
laate haiñ dast-e-ārzū saaqī

yak do jaam aur bhī de tū saaqī
na rahe dil meñ aarzū saaqī

shīsha-e-mai kī tarah se ham aaj
rakhte haiñ girya dar-gulū saaqī

aah tujh bin haiñ zār-o-nālāñ ham
bhūlī mastī kī hāv-hū saaqī

de 'jahāñdār' ko vo mai jis kā
hove gul kā sā rañg-o-bū saaqī

ḳhabar bhī hai tujhe mai-ḳhvār to badnām hai saaqī
dabā kar kitnī botal le ga.e parhez-gār ab tak

salāmat mai-kada thoḌī bahut un ko bhī de saaqī
takalluf meñ jo baiThe rah ga.e kuchh bāda-ḳhvār ab tak

yaad kartā thā hameñ sāqī-o-mīnā kā hujūm
uTh ga.e the jo kabhī raunaq-e-mai-ḳhāna liye

kiyā mirā tazkira jo saaqī ne bāda-ḳhvāroñ kī anjuman meñ
to piir mai-ḳhāna sun ke kahne lagā ki muñh phaT hai ḳhaar hogā

guzar gayā ab vo daur saaqī ki chhup ke piite the piine vaale
banegā saarā jahān mai-ḳhāna har koī bāda-ḳhvār hogā

ye dushmanī hai saaqī yā dostī hai saaqī
auroñ ko jaam denā mujh ko dikhā dikhā ke

saaqī kī tasallī bhī vājid hai nasha jaise
iḳhlās kā paikar hai aḳhlāq kā putlā hai

hameñ paimāna tab ye degā saaqī
ki jām-e-umr jab ma.amūr hogā

saaqī kī ik nigāh ke afsāne ban ga.e
kuchh phuul TuuT kar mire paimāne ban ga.e