Tags-Saqi

mirī sahbā-parastī morid-e-ilzām hai saaqī
ḳhirad vāloñ kī mahfil meñ junūñ badnām hai saaqī

nahīñ hai aaj bhī shā.ista-e-ādāb-e-mai-noshī
vo ik rind-e-balā-kash jis kā 'tābāñ' naam hai saaqī

kabhī jo chaar qatre bhī salīqe se na pī paa.e
vo rind-e-ḳhām hai saaqī vo nañg-e-jām hai saaqī

sū-e-manzil baḌhe jaatā huuñ mai-ḳhāna ba mai-ḳhāna
mazāq-e-justujū tishna-labī kā naam hai saaqī

mujhe ye fikr sab kī pyaas apnī pyaas hai saaqī
tujhe ye zid ki ḳhālī hai mirā paimāna barsoñ se

'mumtāz' jo nāzāñ haiñ bahut tishna-labī par
kah de koī saaqī se vo mai-ḳhvār hamīñ haiñ

bahār-e-bāġh ho miinā ho jām-e-sahbā ho
havā ho abr ho saaqī ho aur dariyā ho

saaqī bhī mai-e-gulfām bhī hai rindoñ ko salā-e-ām bhī hai
gardish meñ chhalaktā jaam bhī hai bahkeñ to magar ilzām bhī hai

ye shab guzār-e-haram hai zarūr ai saaqī
kisī se raat ko pīr-e-muġhāñ nahīñ miltā

dil ab dil hai ḳhudā rakkhe saaqī ko mai-ḳhāne ko
varna kise mālūm nahīñ TuuTā sā paimāna thā

ba.ad tauba ke aur bhī saaqī
merī hālat ḳharāb ho ke rahī

har taraf saaqī tirā faiz-e-nazar paatā huuñ maiñ
ḳhānqāhoñ meñ bhī mastī kā asar paatā huuñ maiñ

shab halqa-e-rindāñ meñ ajab sair thī saaqī
sāġhar ko samajhte the mah-e-hālā-nashīñ ham

kisī kī bazm ke hālāt ne samjhā diyā mujh ko
ki jab saaqī nahīñ apnā to mai apnī na jaam apnā

tirī nigāh meñ saaqī ye kaisā jaadū hai
ki be-piye hī qadam Dagmagā.e jaate haiñ

tamām shab dil-e-vahshī talāsh kartā hai
har ik sadā meñ tire harf-e-lutf kā āhañg

kyā sāqī-o-muġhannī kyā jaam kyā surāhī
ġhair-e-ḳhudā nako kah gar hai sharāb dan meñ

ik hāl-e-ḳhush meñ bhuul ga.e kā.enāt ko
ab ham vahāñ haiñ mutrib o saaqī jahāñ nahīñ

be-nigāh-e-lutf-e-sāqī kaam kuchh bantā nahīñ
husn-e-be-parvā se 'hāmid' iltijā karnā paḌī

mujhe saaqī ne be-minnat ke dī mai
ḳhumār-e-ishq-e-mardāna banāyā