Tags-Saqi

Dhaltī hai vo mai ik tire paimāne meñ saaqī
mastī ko bhī jo hosh ke ādāb sikhā.e

le liyā shukr kar ke saaqī se
dard is meñ huā ki saaf huā

baiThe haiñ jahāñ saaqī paimāna-e-zar le kar
us bazm se uTh aa.e ham dīda-e-tar le kar

jo mujh ātish-nafas ne muñh lagāyā us ko ai saaqī
abhī hone lageñge aable mahsūs shīshe meñ

naza.a meñ to jaa.e sharb-e-mai pilā
saaqī ehsāñ ki jo tujh se ho sake

jahāñ-numā to hai sāqī-numā nahīñ 'nātiq'
badal ke le gayā jamshed merā paimāna

maiñ aur bazm-e-mai se yuuñ tishna-kām aa.uuñ
gar maiñ ne kī thī tauba saaqī ko kyā huā thā

mai-e-gul-gūñ hai saaqī hai 'sahar' vaa.iz se kahtā hai
abhī farmā.eñ mujh se aap jo farmāne aa.e haiñ

hameñ pūchho surūr un kā ki ye saaqī kī mast āñkheñ
hamāre zarf se naape hue paimāne aa.e haiñ

jis ne zāhid se bhī kāfir ke uḌā Daale haiñ hosh
us se bhī kuchh aur saaqī tez-tar mere liye

nazar se dekh to saaqī ik ā.īna banāyā hai
shikasta shīsha-o-sāġhar ke TukḌe joḌ kar ham ne

mai-e-gulfām bhī hai sāz-e-ishrat bhī hai saaqī bhī
bahut mushkil hai āshob-e-haqīqat se guzar jaanā

saaqī sharāb de ki election hai āj-kal
barseñge vote jis meñ vo sāvan hai āj-kal

bas ek baar to aisī pilā de ai saaqī
ki hosh aa na sake tere piine vaale ko

ye kis saaqī kā faizān-e-nazar hai
chaman meñ phuul paimāne bane haiñ

sāqī-garī kī sharm karo aaj varna ham
har shab piyā hī karte haiñ mai jis qadar mile

ḳhudā ke vāste kar tū hī saaqī us kī dildārī
ki mere haath se mai, yār-e-be-parvā nahīñ piitā

diyā jo saaqī ne sāġhar-e-mai dikhā ke aan ik hameñ labālab
agarche mai-kash to ham na.e the pa lab pe rakhte hī pī ga.e sab

chashm-e-maḳhmūr meñ saaqī kī ye kaifiyyat hai
nashsha mastoñ ke do-bālā hoñ jo hoñ chār-āñkheñ

saaqī hamārī tauba tujh par hai kyuuñ gavāra
minnat nahīñ to zālim tarġhīb yā ishāra