Tags-Saqi

tire mai-kade kā saaqī ye chalan bhī kyā chalan hai
ki jo haath tishna-kāmoñ ke bhī jaam tak na pahuñche

jo dekh le mujhe saaqī nashīlī āñkhoñ se
ye mast phir kabhī sharminda-e-ḳhumār na ho

na to chakhnā jis kā azaab hai na to piinā jis kā harām hai
sar-e-bazm saaqī ne dī vo mai ki surūr jis kā mudām hai

umr guzrī kabhī saaqī ne 'falak' ye na kahā
itnī pī le ki tujhe hosh meñ lā bhī na sakūñ

mai ubhar kar jaam meñ añgḌā.iyāñ lene lagī
kaisā madd-o-jazr saaqī tere maiḳhāne meñ hai

mohtasib kī ḳhair ūñchā hai usī ke faiz se
rind kā saaqī kā mai kā ḳhum kā paimāne kā naam

tirī be-ruḳhī ne ai saaqī havas-e-talab baḌhā dī hai
huā chuur ek paimāna to bane hazār paimāne

is havā meñ kar rahe haiñ ham tirā hī intizār
aa kahīñ jaldī se saaqī shīsha o sāġhar samet

ghaTā.eñ ghir ke aa.ī haiñ sar-e-mai-ḳhāna ai saaqī
hameñ ab jaam bhar bhar kar pilāne kī zarūrat hai

kahāñ jaa.eñ tire mastāne ai saaqī kahāñ jaa.eñ
tire hī saa.e meñ mastoñ ko aane kī zarūrat hai

yahī ik baat saaqī ko batāne kī zarūrat hai
hamāre qurb meñ ik bāda-ḳhāne kī zarūrat hai

saaqī maiñ dekhtā huuñ zamīñ āsmāñ kā farq
arsh-e-barīñ meñ aur tire āstāne meñ

churā na aañkh ko saaqī ki bāda-nosh huuñ maiñ
abhī to faisla hotā hai ek sāġhar par

nazar milā ke kahā mujh se mere saaqī ne
harām kahte haiñ jis ko ye vo sharāb nahīñ

maiñ us ke nargis-e-mai-gūñ kī kaifiyyat ko paayā huuñ
hai us kī chashm jām-e-mai aur us kī har adā saaqī

hai dil meñ ho ke sar-ḳhush kiije tere jām-o-mīnā ke
ravā mastoñ ke mashrab meñ jo ho mad.h-o-sanā saaqī

do pyāloñ meñ abhī sarshār ho jaatā huuñ aa saaqī
tū apne jām-e-chashm-e-mast ko gardish meñ lā saaqī

zamīñ par 'ishq' niiñ jhuktā hai bad-mastī kī hālat se
ye sajda biich jā kartā hai tujh haq meñ duā saaqī

hai saḳht mushkil meñ jaan saaqī pilā.e āḳhir kidhar se pahle
sabhī kī āñkheñ ye kah rahī haiñ idhar se pahle idhar se pahle

uzr-e-parhez pe kahtā hai bigaḌ kar saaqī
hai tire dil meñ vahī kāvish-e-anjām abhī