Tags-Sarhad

rahe qaid-o-band kī lazzateñ ki aziyyateñ bhī haiñ rāhateñ
maiñ qafas meñ aate hī sarhad-e-ġham-e-āshiyāñ se guzar gayā

hai par-e-sarhad-e-idrāk se apnā masjūd
qible ko ahl-e-nazar qibla-numā kahte haiñ

be-muhābāna masarrat ke ta.āqub meñ na dauḌ
dām-e-nairañg pas-e-sarhad-e-imkāñ hai to kyā

ishq meñ sarhad-e-manzil se kuchh aage hoñge
us kā ronā hai koī sa.ī bhī mashkūr nahīñ

jaam lete haiñ na piine ko subū lete haiñ
ham magar sarhad-e-idrāk ko chhū lete haiñ

junūñ kī sarhad meñ aa gayā huuñ
ḳhirad ko rasta batā rahā huuñ

maiñ to huuñ sarhad-e-imkāñ se guzarne vaalā
pā sakegī na kabhī vaqt kī raftār mujhe

har ik sarhad phāñd chukā thā sarkash dariyā
us dariyā ko moḌ ke laanā ishq meñ sīkhā

jañg meñ le jā.eñge sarhad pe sab tīr-o-tafang
ham to apne saath miTTī kī duā le jā.eñge

sarhad-e-dil par hai ḳhūnī ma.arka
aaj apnā aap maarā jā.egā

shab ke sannāTe meñ ye kis kā lahū gaatā hai
sarhad-e-dard se ye kis kī sadā aatī hai

jo haiñ sarhad ke paar se aa.e
vo bahut ḳhud-satā.ī karte haiñ

ehsāsāt kī TūTtī sarhad par maiñ 'ḳhusrav'
ḳhvāb se aage bhī jo kuchh thā dekh rahā thā

dayār-e-mahr kī sarhad talāsh karne ko
mah o nujūm kā ik qāfila chalā huā hai

sarhad-e-mumkināt se aage
sar pe ik āsmāñ hī mumkin hai

sarhad-e-imkāñ se aage thiiñ yahī tārīkiyāñ
kyā zarūrī hai añdherā har jagah Dastā rahe

zarā ye soch haqīqat banā to kyā hogā
vo shā.iba jo mujhe sarhad-e-gumāñ meñ milā

bam gharoñ par gireñ ki sarhad par
rūh-e-ta.amīr zaḳhm khātī hai

pahuñch kar shab kī sarhad par ujālā Duub jaatā hai
na ho jis kā koī vo be-sahārā Duub jaatā hai

vo jo ab sarhad-e-imkāñ se pare rahtā hai
kab vo 'ja.afar' hameñ miltā hai magar DhūñDte haiñ