Collections

Lab Shayari

Motivational Ghazals

Best Khamoshi Shayari

More Collections

Tags-Satire

dil jalāne pe bahut tanz na kar ai nādāñ
shab-e-gesū bhī jamāl-e-saharī māñge hai

ishq phir ishq hai aashufta-sari mange hai

jaane kyā soche zamāna un ke ashkoñ par 'shamīm'
haañ na tum ko tanz ke nashtar chubhonā chāhiye

hasrato ab phir wahi taqrib hona chahiye

sahā hai ḳhud pe har ik tiir tanz kā hañs kar
piyā hai zahr magar muskurā rahī hai ġhazal

naqab chehre se mere haTa rahi hai ghazal

bojh din kā putliyoñ meñ rah gayā
tanz rātoñ ke uThāne ke liye

jaan is dil ki bachane ke liye

na mujh pe tanz karo dosto ki be-ghar huuñ
tumhīñ kaho ki hai tum meñ se apnā ghar kis kā

mere wajud ki duniya mein hai asar kis ka

haañ tere taġhāful se pareshān haiñ ham bhī
ye tanz ke tevar to dikhāne ke liye haiñ

ab tere liye hain na zamane ke liye hain

ḳhāna-barbād samajh kar hameñ Dhaltī huī raat
tanz se pūchhtī hai kaun se ghar jāoge

chaDhte dariya se bhi gar par utar jaoge

zindagī par is se baḌh kar tanz kyā hogā 'farāz'
us kā ye kahnā ki tū shā.er hai dīvāna nahīñ

zindagi par is se baDh kar tanz kya hoga faraaz

tum is ḳhamosh tabī.at pe tanz mat karnā
vo sochtā hai bahut aur boltā kam hai

wo apne ghar ke darichon se jhankta kam hai

bārish kuchh itnī tez huī ab ke tanz kī
gir gir ke bār-bār sambhalnā paḌā mujhe

din bhar ghamon ki dhup mein chalna paDa mujhe

tājirān-e-suḳhan-o-sher pe kyā tanz kareñ
ḳhitta-e-raunaq-e-bāzār-e-ġhazal ham bhī haiñ

kab kahan humne ki meamar-e-ghazal hum bhi hain

phir ḳhat kā javāb ek vahī tanz kā misra.a
majbūr hai kyuuñ fitrat-e-āzād kisī kī

phir lutf-e-KHalish dene lagi yaad kisi ki

har tanz pe rindoñ ne sar apnā jhukāyā hai
us par bhī na vaa.iz ko tahzīb-e-muġhāñ aa.ī

wo nikhat-e-gesu phir ai ham-nafasan aai

ek dil āshiq kā hai aur tanz ke sau tiir haiñ
phir bhī hoñToñ par hai us kī ik hañsī haa.e re ishq

ishq ne barbaad kar di zindagi hae re ishq

dostoñ ke tanz kā ek ek tiir
barq ban ban kar mire dil par girā

hijr mein jo ashk-e-chashm-e-tar gira

zarūrateñ merī ġhairat pe tanz kartī haiñ
mire zamīr tujhe maar duuñ ki mar jā.ūñ

ab is se pahle ki duniya se main guzar jaun

tujhe āgahī kī nahīñ ḳhabar mirī gumrahī pe na tanz kar
are vaqt vaqt kī baat hai yahī aib rashk-e-hunar bhī hai

sambhal ai qadam ki ye kar-gah-e-nishat-o-gham hai KHabar bhi hai

hamesha tanz karte haiñ tabī.at pūchhne vaale
tum achchhā kyuuñ nahīñ karte maiñ achchhā kyuuñ nahīñ hotā

kisi din zindagani mein karishma kyun nahin hota

karne lagā hai tanz mire nisf aks par
mujh meñ jo ek shaḳhs hai puurā banā huā

maujud jo nahin wahi dekha bana hua

us pal us kī āñkheñ
aisī tanz bharī muskān liye thiiñ

ek sach