Tags-Sawal

tire likhe ko ġhalat nahīñ kah rahī maiñ lekin
savāl ye hai ki kyoñ na likkhā mire mutābiq

mire lab pe abhī vo savāl hai kyūñ? mire dil meñ abhī vo malāl hai kyūñ?
mire chāroñ-jānib jaal hai kyūñ? mire ḳhvāb kā ab anjām likho

usuul hai ye dayār-e-dil kā ki aane vaalā gayā na vāpas
har ik sitam muskurā ke sahnā savāl kaisā javāb kaisā

ye to nahīñ ki ab ke vo mutlaq vahāñ na thā
lekin savāl-e-vasl ye kahne ko haañ na thā

nahīñ misāl koī aisā be-misāl badan
hai ḳhud javāb vo apnā hai ḳhud savāl badan

tumhāre hote hue log kyuuñ bhaTakte haiñ
kahīñ pe ḳhizr nazar aa.e to savāl karūñ

sāmān-e-dil ko be-sar-o-sāmāniyāñ milīñ
kuchh aur bhī javāb the mere savāl ke

maiñ muskurātā rahā aur muskurātā rahā
savāl mujh pe ka.ī mere hasb-e-hāl hue

ma.āl-e-jur.at-e-mansūr kuchh sahī lekin
savāl ye hai ki dār-o-rasan pe kyā guzrī

javāb kyūñkar dalīl kis ko
hamāre lab pe savāl Thahrā

bevafā ḳhayāloñ se zaḳhm ke havāloñ se
kyā savāl kartī phir vo hasīn ḳhāmoshī

tire sulūk par ab ye savāl uThtā hai
tujhe parāyā kahe jaa.eñ yā kaheñ apnā

savāl-e-sañg thā sarzad pa thā mirā manzūr
maiñ chup rahā ki maiñ ḳhud par sitam na kar paayā

savāl dastakeñ de ki hue fanā 'fānī'
jahāñ javāb hai bas vo hī dar nahīñ miltā

raat kā apnā ik taqaddus hai so use pā.emāl mat karnā
jab diye guftugū ke raushan hoñ lauTne kā savāl mat karnā

paanī utar gayā to zamīñ sañglāḳh thī
tīkhā sā har savāl thā rāñjhe se hiir kā

kyuuñ tire hoñT mujhe dete haiñ manfī meñ javāb
mere hoñToñ pe ye rah rah ke savāl aatā hai

jāda-e-shauq meñ paḌā qaht-e-ġhubār-e-kārvāñ
vaañ ke shajar to sar-ba-sar dast-e-savāl ho ga.e

isī savāl ne sone nahīñ diyā shab bhar
tū mujh se pūchhegā kyā aur maiñ kyā batā.ūñgā

be-talab deñ to mazā us meñ sivā miltā hai
vo gadā jis ko na ho ḳhū-e-savāl achchhā hai