Tags-Sawal

har chehra-e-savāl se karte ho ḳhud savāl
tum log bhī ho shahr meñ kyā lā-javāb log

bahut sī bāteñ zabāñ se kahī nahīñ jātīñ
savāl kar ke use dekhnā zarūrī hai

na koī baat na maqsad na aarzū na savāl
bas ek ġhalġhala-e-gīr-o-dār raah meñ hai

gar imtihān-e-junūñ meñ na karte qais kī naql
'jamāl' sab se zarūrī savāl rah jaatā

phaTā huā kisī uryāñ savāl jaisā hai
hamāre sar pe ye rahmat kā sā.ebāñ dekho

is ik savāl ke kitne azaab jhel chukā
kuchh aur dard banū aur imtihāñ dekho

ham se kar be-sar-o-sāmānī-e-hijrat pe savāl
us se mat pūchh jo imlāk badal kar aayā

har bachcha āñkheñ kholte hī kartā hai savāl mohabbat kā
duniyā ke kisī goshe se use mil jaa.e javāb to achchhā ho

magar milā na kahīñ sātvāñ javāb ab tak
mujhe satātā huā ik savāl thā kitnā

har bachcha āñkheñ kholte hī kartā hai savāl mohabbat kā
duniyā ke kisī goshe se use mil jaa.e javāb to achchhā ho

kitnā mushkil huā javāb mujhe
kitnā āsān thā savāl us kā

sarosh-e-ġhaib ke ma.abad ke sāmne masjūd
sabhī javāb haiñ gum-sum savāl thāme hue

savāl kaise karūñ maiñ is se javāb hai jo mirī duā kā
karegā kaise vo bevafā.ī mujhe yaqīñ hai mirī vafā kā

farmāte haiñ milāp kā kartā huuñ jab savāl
tū baat karne ke nahīñ qābil alag alag

hameñ tere sivā is duniyā meñ kisī aur se kyā lenā-denā
ham sab ko javāb nahīñ dete ham sab se savāl nahīñ karte

tirī baḳhshishoñ meñ hai sarvarī mire ishq ko de qalandarī
jo uThe to dast-e-duā lage mujhe aisā dast-e-savāl de

us ne ik roz kiyā ham se achānak vo savāl
dhaḌkaneñ tham sī ga.iiñ vaqt ne jumbish nahīñ kī

hasīn be-shak hai bazm-e-anjum qamar bhī haañ kuchh hisāb meñ hai
magar yahāñ tū hī tū hai yaktā savāl tere javāb meñ hai

jalātī hai diloñ ko sard-mehrī bhī zamāne kī
savāl-e-garmī-e-bāzār bhī karte nahīñ bantā

isī javāb ke raste savāl aate haiñ
isī savāl meñ saarā javāb Thahrā hai