Collections

Lab Shayari

Motivational Ghazals

Best Khamoshi Shayari

More Collections

Tags-Saya

dil kī dahlīz pe jab shaam kā saaya utrā
ufuq-e-dard se siine meñ ujālā utrā

dil ki dahliz pe jab sham ka saya utra

har bure vaqt meñ kaam aayā thā
agle vaqtoñ kā vo ham-sāya thā

har bure waqt mein kaam aaya tha

vo ghanā peḌ ho ki sāya-talab
āḳhirash sab hī chashm-e-tar meñ haiñ

kaise tufan is safar mein hain

sūraj hai go nā-mehrbāñ hai sar pe niilā sā.ebāñ
ai āsmāñ ai āsmāñ daa.im rahe saaya tirā

hum bansuri par maut ki gate rahe naghma tera

raat kī tārīkiyāñ pahchān letī thiiñ use
ruuh kī āvāz thā vo jism kā saaya na thā

pyas ke bedar hone ka koi rasta na tha

kisī ḳhayāl kā saaya kisī umiid kī dhuup
koī to aa.e ki dil kaif-o-kam ko pahchāne

zaban ko hukm nigah-e-karam ko pahchane

ik ḳhuun kī ḳhalīj mire sāmne rahī
aur mere pīchhe saaya mirā umr bhar rahā

honTon pe qarz-e-harf-e-wafa umr bhar raha

raushnā.ī nigal gayā thā jo
saaya vo āñkhoñ meñ khaTaktā hai

barha bas mujhe yun lagta hai

ye dhuup to har ruḳh se pareshāñ karegī
kyuuñ DhūñD rahe ho kisī dīvār kā saaya

ye dhup to har ruKH se pareshan karegi

maiñ us ko chhoḌ rahā huuñ ajiib aadmī huuñ
vo merā saaya banā hai ajiib aadmī hai

KHala mein ghur raha hai ajib aadmi hai

kuchh aise zāviye se aaj sūraj ne hukūmat kī
ke mere jism ke saaye kā bhī saaya nikal aayā

natija dekhiye kuchh din mein kya se kya nikal aaya

ab sunsān galī meñ saaya tak maujūd nahīñ
aadhī raat ke sannāTe meñ kaun pukār gayā

raushan aainon mein jhuTe aks utar gaya

jism-o-jāñ kī dhuup se jalte sahrā meñ
apnā saaya oḌh ke chaltā rahtā huuñ

kaun hun kyun zinda hun sochta rahta hun

qadam qadam shajar-e-sāya-dār paidā hai
ki mere saath safar meñ ḳhayāl hai us kā

tamam hijr usi ka visal hai us ka

āñkhoñ se tirī zulf kā saaya nahīñ jaatā
ārām jo dekhā hai bhulāyā nahīñ jaatā

aankhon se teri zulf ka saya nahin jata

kal ye saaya hameñ phir ghere gā
kal yahī fikr hameñ khā.egī

raat, mamul aur hum

saaya kuuñ sarv-qad ke DhūñDe pa kahīñ na paa.e
aalam ke faal vaale aur kyā nihāl vaale

tujh par fida hain sare husn-o-jamal wale

phuul parinde ḳhushbū bādal sab us kā saayā Thahre
us ne jab se ā.īne meñ ġhaur se ḳhud ko dekhā hai

dhul-bhari aandhi mein sab ko chehra raushan rakhna hai

kab bahāroñ pe tire rañg kā saayā na paḌā
kab tire gesuoñ ko bād-e-sahar chhū na ga.ī

yun to kis phul se rangat na gai bu na gai

dhuup ke dasht meñ be-sāya shajar meñ ham the
munhamik phir bhī sarāboñ ke safar meñ ham the

dhup ke dasht mein be-saya shajar mein hum the