Tags-Saya

peḌ agar ūñchā miltā hai
mushkil se saaya miltā hai

paañv haiñ ḳhaak pe ḳhurshīd pe saaya us kā
'hashamī' khoj meñ ye kis kī chalā hai yaaro

ik parī-rū kī mohabbat kā maiñ huuñ dīvāna
na parī kā na kisī jin kā hai saaya mujh ko

chhoḌ jā.egā tirā saath añdhere meñ yahī
ye jo saaya hai tirā is ko bhī apnā na samajh

mauj-e-taḳhayyul gul kā tabassum partav-e-shabnam bijlī kā saaya
dhokā hai dhokā nām-e-javānī is ko javānī koī na samjhe

saaya hai aur kashīda kitnā
dhuup hai aur kaḌī hai kaisī

dhuup kā naam jo hai saaya to saaya hī sahī
aap kahte haiñ agar aisā to aisā hī sahī

jab koī na ho
jab saaya shāḳh-e-gul af.ī ban kar reñge

khulā ye chāñdnī shab meñ ki ek saaya sā
nadī ke paar shikasta-makāñ meñ rahtā hai

janāb-e-'mīr' rote haiñ to 'qaisar' shauq se ro.eñ
hamāre ahd meñ ab koī ham-sāya nahīñ hotā

ye kaise jāntā gar shahr meñ aayā nahīñ hotā
yahāñ dīvār hotī hai magar saaya nahīñ hotā

vajūd vahm mirā ham-safar rahā din bhar
fasīl-e-shām se dekhā to saaya saaya huuñ

be-mashshāta husn kī gaañv gaañv thā vo kahāñ gayā
bed ke sāya-zāroñ ne kab pahchān apnī khoī hai

tirā naam liyā to sahrā meñ
ik saaya utrā phail gayā

vāqa.ī nuur liye phirte haiñ sar pe koī
apne atrāf jo saaya nahīñ rahne dete

Thair kar dekh to zarā 'momin'
maiñ nahīñ huuñ ye terā saaya hai

ab bhī gardish meñ mirī dhuup rahā kartī hai
yahī saaya jo udhar hai ye idhar thā pahle

mujh pe thā har vajūd kā saaya
dhuup ko jab barahna-sar dekhā

mar kar huā huuñ ḳhaak dar-e-yār ke liye
saaya banā huuñ maiñ tirī dīvār ke liye

maiñ kab se be-ḳhāl-o-ḳhat paḌā huuñ
mirā koī saaya hī nahīñ hai