English
Favourite
Favourite
UrduShayarUrduShayar
Expand menu
Sign inAccount

Tags-Saya

jise ham vāhima samjhe hue haiñ
vo saaya bhī tirī dīvār kā hai
Ghazal
 mohabbat KHabt hai ya waswasa hai
kārobār-e-zindagī tak haiñ ye hañgāme 'fazā'
kyā vo saaya chhoḌ degā jo shajar le jā.egā
Ghazal
 aur kya mujhse koi sahib-nazar le jaega
merā saaya hī faqat saath mire chaltā hai
apne saa.e se hī rakhtī huuñ maiñ yaarī pāgal
Ghazal
 jab muqaddar hi mein hai tanhai se yari pagal
tanhā kahāñ huuñ go ki yahāñ koī bhī nahīñ
mujh se lipaT ke sotā hai saaya ḳhafā ḳhafā
Ghazal
 dasht-e-wafa mein Thokaren khane ka shauq tha
kyuuñ baam pe āvāzoñ kā dhammāl hai 'ajmal'
is ghar pe to aaseb kā saaya bhī nahīñ hai
Sher
 kyun baam pe aawazon ka dhammal hai ajmal
apnā saaya bhī na ham-rāh safar meñ rakhnā
puḳhta saḌkeñ hī faqat rāhguzar meñ rakhnā
Ghazal
 apna saya bhi na ham-rah safar mein rakhna
ham bhī rāh-e-hayāt meñ chalte rahe magar
saaya sā jaise koī guzartā chalā gayā
Ghazal
 gahraiyon mein dil ki utarta chala gaya
har ek qadam par hai kisī yaad kā saaya
har rāhguzar meñ koī dīvār khaḌī hai
Ghazal
 uThi hai jo qadmon se wo daman se aDi hai
har saaya apnī apnī guphā meñ luḌhak gayā
ham log ghūmte rahe sunsān maal par
Ghazal
 bikhra ke hum ghubar sa wahm-o-KHayal par
bahut hañse mire is faisle pe sāya-nashīñ
ki sar pe dhuup ko ab sā.ebān rakhnā hai
Ghazal
 ghazal mein husn ka uske bayan rakhna hai
shart-e-ġham-gusārī hai varna yuuñ to saaya bhī
duur duur rahtā hai saath saath chaltā hai
Ghazal
 jab bhi teri yaadon ka silsila sa chalta hai
añdherā thā to ye saare shajar kitne akele the
khulī jo dhuup to har peḌ se saaya nikal aayā
Ghazal
 paraya lag raha tha jo wahi apna nikal aaya
is sāya-dār peḌ ko jaḌ se ukhāḌ ke
kyā mil gayā tujhe mirī duniyā ujaaḌ ke
Ghazal
 is saya-dar peD ko jaD se ukhaD ke
manzil hai na jaada hai na saaya hai na paanī
tanhā.ī kā ehsās faqat rāh-numā hai
Ghazal
 sahraon mein dariya bhi safar bhul gaya hai
ab bhī jaatā huuñ kaTe peḌ kā saaya lene
muddatoñ se jo bhalā thā so bhalā lagtā hai
Ghazal
 har koi shahr mein paband-e-ana lagta hai
tan pe saaya karne ko sā.ebāñ to miltā hai
ruuh ke sulāne ko āshiyāñ nahīñ miltā
Ghazal
 mehr-o-mah-o-anjum ka kuchh nishan nahin milta
jalāyā dhuup meñ ḳhud ko to ek saaya sā
hamāre jism kī dīvār se lagā niklā
Ghazal
 kahin se chand kahin se qutub-numa nikla
dhuup ke jaate hī mar jā.ūñgā maiñ
ek saaya huuñ bikhar jā.ūñgā maiñ
Ghazal
 dhup ke jate hi mar jaunga main
gard-e-safar meñ aañkh se ojhal kitne hī rah-gīr hue
jitne sāya-dār shajar the raah meñ dāman-gīr hue
Ghazal
 gard-e-safar mein aankh se ojhal kitne hi rah-gir hue
peḌ kī shāḳheñ vahīñ rone lagīñ
abr kā saaya jahāñ chhāne lagā
Ghazal
 main labaada oDh kar jaane laga
Top Urdushayar.com