Tags-Shaam

qalb par jis ke numāyāñ nuur o zulmat kā nizām
munkashif jis kī farāsat par mizāj-e-sub.h-o-shām

ḳhāmushī aur ḳhāmushī meñ sansanāhaT kī sadā
shaam kī ḳhunkī se goyā din kī garmī kā gilā

nashsha-e-ilm kī ummīd pe jiine vaale
simaT aate haiñ sar-e-shām se piine vaale

mast rahtā hai magar ab bhī dil-e-ḳhāna-ḳharāb
shaam ko baiTh ke mahfil meñ luñDhātā huuñ sharāb

yahāñ ahl-e-aligarh jo bhī sub.h-o-shām karte haiñ
baḌe laa.eq haiñ sir-sayyad kā ūñchā naam karte haiñ

usī shām-e-marg kī tīrgī meñ haiñ jalva-hā-e-hayāt bhī
unhīñ zulmatoñ ke hijāb meñ ye chamak ye raqs-e-sharar bhī hai

ye nasīb-e-ishq kī gardisheñ ki zamāñ makāñ se guzar ke bhī
vahī āsmāñ vahī shām-e-ġham vahī shām-e-ġham kī sahar bhī hai

tire ġham kī umr-e-darāz meñ ka.ī inqalāb hue magar
vahī tūl-e-shām-e-'firāq' hai vahī intizār-e-sahar bhī hai

apne hī aks ko paanī meñ kahāñ tak dekhūñ
hijr kī shaam hai koī to lab-e-jū aa.e

kyuuñ shaam ko bāhoñ meñ ulajhne kī havas hai
kyuuñ sub.h kī palkoñ meñ koī ḳhvāb chhupā hai

kalyān ke ujāle meñ phirtī hai shab kahīñ
maiñ shaam hī se kāñdhe pe chādar luuñ aur gā.ūñ

sub.h tak vaj.h-e-jāñ-kanī thī jo baat
maiñ use shaam hī ko bhuul gayā

akele-pan kā 'azmī' ho bhī to ehsās kaise ho
tasalsul se hamārī shām-e-tanhā.ī safar meñ hai

ba-tūfāñ-gāh-e-josh-e-iztirāb-e-shām-e-tanhā.ī
shuā-e-āftāb-e-sub.h-e-mahshar tār-e-bistar hai

pahuñch pahuñch kar falak par aaheñ kareñ na anjum meñ kyuuñ izāfa
ki shaam se sub.h tak shab-e-ġham sharar-fishānī hai aur ham haiñ

maqtal-e-shām-o-sahar meñ kyā panaptī zindagī
shabnamistāñ hoñkte sho.aloñ kī nigarānī meñ thā

vasl kī raat ke sivā koī shaam
saath le kar sahar nahīñ aatī

kyā shām-e-ġham meñ dīda-o-dil par guzar ga.ī
un taaza vārdān-e-bisāt-e-kuhan se pūchh

khiḌkiyāñ khol luuñ har shaam yūñhī sochoñ kī
phir usī raah se yādoñ ko guzartā dekhūñ

jāñ-ba-lab huuñ firāq-dil-bar meñ
sub.h jiitā rahā to shaam nahīñ