Tags-Shaam

suune raste pe sar-e-shām koī
ghar kī yādoñ meñ ghirā baiThā thā

tasāhul kī chādar lapeTe hue qissa-ḳhvānī ik shaam thī
ham vahāñ apnī din bhar kī is jān-levā thakan se

vo shaam kā pahlā taarā thā

niiñd aa chalī hai anjum-e-shām-e-abad ko bhī
aañkh ahl-e-intizār kī ab tak lagī nahīñ

shaam nahīñ Dhaltī kisī sūrat raat nahīñ kaTtī kisī taur
ab to bahut dil ghabrā.e hai ab to bahut yaad aao ho

shaam ke moḌ pe
kuchh dhuup paḌī thī jis meñ

ho jaa.e jahāñ shaam vahīñ un kā baserā
āvāra parindoñ ke Thikāne nahīñ hote

ghar khulā chhoḌ ke chupke se nikal jā.ūñgā
shaam hī se sar-o-sāmān-e-sahar bāñdh liyā

rafīqo raah ke ḳham sub.h kuchh haiñ shaam kuchh aur
milegī tum ko na manzil nuqūsh-e-pā se mire

shaam ko mauja-e-havā jānib-e-dasht le uḌe
sub.h chaman meñ aa ga.e ḳhaak pe shab guzār kar

bulāve aa rahe haiñ manziloñ ke shaam se lekin
tamannāoñ ko in kī god meñ niiñd aa.ī jaatī hai

ik baar man.a kartī huī shaam se to pūchh
jo bhī judā huā vo haqīqat meñ rah gayā

Dhalī jo shaam to bachche sā so gayā sūraj
dikhā rahā thā ka.ī tarah ke hunar din-bhar

unheñ ḳhushbū kī chāhat meñ bahut narmī se chhūnā thā
havā-e-shām to phūloñ kī komaltā uThā laa.ī

ġharaz phir usī ko jo yaad aa.ī merī
to ghabrā ke jis dam huī shaam aayā

yaad ab bhūle se bhī sub.h-e-vatan aatī nahīñ
ho ga.ī mānūs aisī shām-e-ġhurbat mere saath

laakh samjhātā huuñ maiñ us ko magar hote hī shaam
ek hasrat chalī aatī hai mire dil kī taraf

kār-e-jahāñ hameñ bhī bahut the safar kī shaam
us ne bhī iltifāt ziyāda nahīñ kiyā