Tags-Shaam

piine jaate haiñ sar-e-shām 'nazīr' ek buzurg
aur kuchh raat Dhale ban ke valī aate haiñ

mai-kade meñ mire saaqī kā nayā hukm ye hai
shaam ko pyaas lage sub.h ko paanī māñge

ye nayā phuul hai aur ye ḳhushbū na.ī
ye na.ī shaam hai aur nayā dard hai

shikan-ālūd bistar har shikan par ḳhuun ke dhabbe
ye hāl-e-shām-e-ġham likkhā hai ham ne tā-sahar apnā

koī chehra na de āvāz kisī lau se 'matīn'
shaam hote hī charāġhoñ ko bujhāne nikle

savāl dil kā shām-e-ġham ko aur udaas kar gayā
tire vajūd meñ jo ek maiñ thā vo kidhar gayā

umr 'hairat' dopahar kī dhuup thī
shaam ab aa.ī hai ab jaate haiñ ghar

mahram-e-dard-o-masarrat rāz-dār-e-sub.h-o-shām
mahfil-e-fitrat kī ḳhamoshī hai tujh se ham-kalām

koī uljhan hī rahī hogī jo vo bhuul gayā
mere hisse meñ koī shaam suhānī likhnā

na jhuuT bol ki ham shaam se kal ā.eñge
na khā qasam are jhūTī kabhī jo tū aa.e

koī raat āñkhoñ meñ kaaT lī koī taare gin ke guzār dī
yahī marte marte havas rahī maiñ kabhī to so rahūñ shaam se

sukūt-e-shām kā hissa tū mat banā mujh ko
maiñ rañg huuñ so kisī mauj meñ milā mujh ko

jo bahār ko bhī aziiz thī vahī shaam lutf-o-surūr kī
jise siskiyoñ kī nazar lagī usī zindagī kī talāsh kar

na udaas shaam ke falsafe na bahār-e-sub.h kī raunaqeñ
na asl ziist ke zer-o-bam na to naġhmagī kī talāsh kar

nahīñ ki shaam Dhale tum na lauTte lekin
tumhārī raah meñ sūraj hī lā-zavāl rahā

le ke chale the narmiyāñ ghar se guloñ kī sub.h ko
barg-e-ḳhizāñ the shaam jab lauT ke apne ghar ga.e

baras kar rah ga.iiñ kaliyāñ chaman ke farsh-e-rañgīñ par
pakaḌ kar shāḳh jab kal shaam vo ġhuncha-dahan bigḌā

nahīñ ba.iid ki jañgal meñ shaam paḌ jaa.e
ham ek peḌ ko rasta batāne lag ga.e haiñ

chāñd us kā āsmāñ us kā sar-e-shām-e-visāl
jis pe saaya ho tirī zulf-e-sitāra-gīr kā

purānī shaam na.e āñganoñ ko rotī hai
kahīñ charāġh kahīñ rat-jagoñ ko rotī hai