Tags-Shaam

qad se saaya baḌā ho gayā
shaam kā jiyūñ jiyūñ aanā huā

kar ga.ī hai kis qadar masrūf mujh ko dekhiye
merī sub.h-o-shām kā vo mashġhala bantī huī

tujh ko charāġh nahīñ kah saktā
kyūñki charāġh to shām-e-ġharībāñ ke sahrā meñ sub.h-e-vatan kā naqsh-e-qadam hai

pañkh hilā kar shaam ga.ī hai is āñgan se
ab utregī raat anokhī yādoñ vaalī

shām-e-va.ada hai agar ab bhī na vo aa.e to phir
aur is ġham meñ jo dhaḌkan dil kī ruk jaa.e to phir

phail gayā hai qarya qarya terā rañg sunahrā
tū hai merā ruup saverā maiñ huuñ shaam suhānī

vo jo harf-e-haq thā likhā gayā kisī shaam ḳhuun se ret par
hai gavāh mauja-e-vaqt bhī ki vo harf us se miTā nahīñ

ki jis kī sub.h mahaktī thī shaam raushan thī
sunā hai vo dar-e-daulat ġharīb-ḳhāna huā

na kar tū baat mujh se mausamoñ kī
ye mausam sub.h tere shaam mere

shaam se jeb meñ ik talḳh davā rakkhī hai
aaj qissa hī kiye dete haiñ yaksū apnā

nibāh karte hue shām-e-be-qarār ke saath
hamārī umr kaTī rañj-e-be-shumār ke saath

muzayyan thī kisī ke ḳhāl-o-ḳhad se
hamārī shaam paimāne se pahle

zulfeñ muñh par haiñ muñh hai zulfoñ meñ
raat bhar sub.h shaam din bhar hai

sub.h-e-ālām ke sūraj ko sadā detā huā
vus.at-e-shām-e-ġharībāñ meñ samāyā huā maiñ

kaun hai ye jo mire dil meñ hai ab tak mahv-e-ḳhvāb
DhūñDte haiñ ek muddat se jise shām-o-sahar

din ke pahlū se lagā rahtā hai andesha-e-shām
sub.h ke ḳhauf se niiñd aa.e to so bhī na sakūñ

kis shaan se aatī hai mirī shām-e-musībat
vo dekho jilau meñ hai qayāmat kī sahar bhī

shām-e-ġham kī zulmateñ haiñ aur sahrā-e-hayāt
dīda-e-bedār ko anjum-fishāñ karte chalo

shaam kahtī hai koī baat judā sī likkhūñ
dil kā isrār hai phir us kī udāsī likkhūñ

sub.h-e-tarab to mast-o-ġhazal-ḳhvāñ guzar ga.ī
shām-e-alam jo aa.ī to aa kar Thahar ga.ī