Tags-Shaam

vahī yaksāniyat-e-shām-o-sahar hai ki jo thī
zindagī dast-ba-dil ḳhāk-basar hai ki jo thī

ik shaam ke saa.e tale baiThe rahe vo der tak
āñkhoñ se kī bāteñ bahut muñh se kahā kuchh bhī nahīñ

musībat kī ḳhabreñ
suno shaam vaalo musībat kī ḳhabreñ

din bhar kā hañgāma saarā shaam Dhale phir bistar pyārā
merā rasta ho yā terā har rasta ghar jaane ko hai

udāsiyoñ meñ aTī shām-e-ġham kī chaukhaT par
ḳhayāl-e-yār ne kitnā rulā diyā hai mujhe

bhūlī-bisrī huī yādoñ kī ajab bhiiḌ hai jo
dil ke darvāze pe har shaam lagī hotī hai

puurī gardish āsmāñ ne shaam se kī tā-sahar
aaj maiñ ne gin liye saare sitāre raat ko

shaam se gahrā chāñd se ujlā ek ḳhayāl
raat huī aur phir aa pahuñchā ek ḳhayāl

saf-e-zāhidāñ hai to be-yaqīñ saf-e-mai-kashāñ hai to be-talab
na vo sub.h vird-o-vazū kī hai na vo shaam jām-o-subū kī hai

din ko raat kaheñ so bar-haq sub.h ko shaam kaheñ so ḳhuub
aap kī baat kā kahnā hī kyā aap hue farzāne log

ai 'qamar' shaam kā va.ada hai vo aate hoñge
shaam kahlātī hai tāroñ ke nikal aane tak

vo bhī kyā din the ki ghar se kahīñ jaate hī na the
aur ga.e bhī to faqat shaam ko mai-ḳhāne tak

shaam Dhalte hī ye aalam hai to kyā jaane bashīr
haal apnā sub.h tak be-rabt nabzeñ kyā kareñ

bahār-e-gulshan-e-ayyām huuñ maiñ
sahar nuur o savād-e-shām huuñ maiñ

dil dukhā hī kare hai siine meñ
yaañ yahī sub.h o shaam aafat hai

shāyad ki shām-e-hijr ke maare bhī jī uTheñ
sub.h-e-bahār-e-hashr kā chehrā utar gayā

kis qadar dhuup kamātā hai yahāñ koī ise
raunaq-e-mashġhala-e-shām se pahchānte haiñ

tere sūraj ko tirī shaam se pahchānte haiñ
zindagī ham tujhe anjām se pahchānte haiñ

chaltī haiñ kis kī tadbīreñ khel haiñ sab taqdīroñ ke
shaam kisī kī sub.h meñ badlī sub.h kisī kī shaam huī

vo havā-ḳhvāh-e-nasīm-e-zulf huuñ maiñ tīra-baḳht
kyuuñ na marqad par kare dūd-e-charāġh-e-shām raqs