Tags-Shaam

saare din dasht-e-tajassus meñ bhaTak kar so gayā
shaam kī āġhosh meñ sūraj bhī thak kar so gayā

ai āftāb tirī zulmat-e-judā.ī meñ
'sirāj' āh-e-sahar kuuñ charāġh-e-shām kiyā

sab log shaam hote hī jab apne ghar ga.e
sahrā ko ham bhī shahr se phir lauT kar ga.e

kaTte nahīñ kyuuñ shām-e-judā.ī ke ye lamhe
miltī nahīñ kyuuñ zulmat-e-shab jā ke sahar se

sub.h-e-justujū hai tū
shām-e-ārzū hai tū

sub.h hai banaras kī
shām-e-lucknow hai tū

kis qadar ḳhāmosh thā maidāñ sar-e-shām-e-shikast
marhabā ke saath shor-e-al-amāñ bhī miT gayā

na ho mizāj meñ aisī bhī dūr-andeshī
ki sub.h se koī nikle charāġh-e-shām liye

vahī shaam āḳhirī shaam thī ye ḳhabar na thī
vahī vaqt vaqt-e-zavāl thā ye pata na thā

na koī thā makīñ na koī thā makāñ na koī thī zamīñ na koī thā zamāñ
na koī sharq thā na koī ġharb thā na dam-e-sub.h thā na sar-e-shām thā

dil-e-afsurda sar-e-shām sulag uThtā hai
sāhil-e-jāñ rakhe ab kaise bharam tak us kā

vaqt ke dar par bhī hai bahut kuchh vaqt ke dar se aage bhī
shām-o-sahar ke saath bhī chaliye shām-o-sahar se aage bhī

jis ko us ne raushnī samjhā thā merī dhuup thī
shaam hone kā mirī phir intizār us ne kiyā

suroñ meñ shaam sajī hai ka.ī dinoñ ke ba.ad
ġhazal ko raah milī hai ka.ī dinoñ ke ba.ad

juz mashġhala-e-nāla o fariyād na thā kuchh
jo kaam ki dil se sahar o shaam liyā hai

shaam se zid par aḌe haiñ
ḳhvāb palkoñ par khaḌe haiñ

ye raat pichhle pahar āftāb DhūñDegī
charāġh-e-shām jalā kar darūñ meñ rakh aanā

kabhī sahar to kabhī shaam le gayā mujh se
tumhārā dard ka.ī kaam le gayā mujh se

raqs ho ātish-e-sayyāl kā aur ḳhaak huuñ maiñ
gardish-e-shām-o-sahar dahar-o-zamāñ se chhūTūñ

vāda-e-shām-e-fardā pe ai dil mujhe gar yaqīñ hī na aa.e to maiñ kyā karūñ
un kī jhūTī tasallī ke tūfān meñ nabz-e-dil Duub jaa.e to maiñ kyā karūñ