Tags-Shaam

nahīñ ma.alūm kis ko tāḌte haiñ kis se va.ada hai
ba-vaqt-e-shām paas aa kar jo vo chilman ke baiThe haiñ

roz-o-shab kā vaqfa karb-o-musarrat
shaam kahte haiñ jise

dar aayā añdherā āñkhoñ meñ aur sab manzar dhundlā.e haiñ
ye vaqt hai dil ke Dūbne kā aur shaam ke gahre saa.e haiñ

shaam hone ko hai jalne ko hai sham-e-mahfil
saañs lene kī bhī fursat nahīñ parvāne ko

ek ghanā sā peḌ thā barsoñ pahle jis ko kaaT diyā
shaam Dhale kuchh panchhī haiñ ab bhī mañDlāyā karte haiñ

zamistānī havā meñ garche thī shamshīr kī tezī
na chhūTe mujh se london meñ bhī ādāb-e-sahar-ḳhezī

koī ye shaiḳh se pūchhe ki band kar āñkheñ
murāqabe meñ batā sub.h-o-shām kyā dekhā

tire diye kī raushnī ko DhūñDtā hai shaam se
mirā makāñ kisī luTe hue dayār kī tarah

raushan karo na shaam se pahle charāġh-e-jām
din ke liye ye chiiz hai yā raat ke liye

tum har shaam phūloñ pe yalġhār karte pāniyoñ pe chalte rahe ho
ye jānte hue bhī ki mere lafz

yaad bhī haiñ ai 'munīr' us shaam kī tanhā.iyāñ
ek maidāñ ik daraḳht aur tū ḳhudā ke sāmne

shaam se dil meñ tarāzū hai koī tīr-e-sitam
raat guzregī na ḳhvāboñ ke shabistāñ hoñge

ab kaun muntazir hai hamāre liye vahāñ
shaam aa ga.ī hai lauT ke ghar jaa.eñ ham to kyā

shām-e-visāl dost kahāñ kho ga.ī 'shamīm'
vīrānī-e-hayāt kī is dopahar se pūchh

shaam paḌe so jaane vālā! diip bujhā kar yādoñ ke
raat ga.e tak jaag rahā thā pahlī pahlī bārish meñ

hayāt-e-ishq kī rūdād kyā kahūñ ai 'saif'
azāb-e-shām-o-sahar ke sivā kuchh aur nahīñ

na jaane kaun sā īfā-e-ahd kā din ho
tumheñ to shām-o-sahar ke sivā kuchh aur nahīñ

bhūlne vāle! vaqt ke aivānoñ meñ kaun Thahartā hai
biitī shaam ke darvāze par kis ko bulāne aa.egā

tanhā.ī meñ shām-e-furqat kī ye soch ke ḳhush hai jī apnā
aa.egā manā leñge us ko jaise vo idhar aatā hī to hai

bastiyāñ luTtī haiñ ḳhvāboñ ke nagar jalte haiñ
ham vahāñ haiñ ki jahāñ shām-o-sahar jalte haiñ