Tags-Shaam

shām-e-ḳhizāñ ko sub.h-e-bahārāñ banā diyā
tartīb-e-zīst ban ga.iiñ ta.azīreñ ishq kī

lagtā hai ki phailegī shab-e-ġham kī siyāhī
aañsū mirī palkoñ pe sar-e-shām na aa.e

allāh allāh kar are zāhid
jām-e-mai sub.h-o-shām are tauba

sub.h ko shaam kī nahīñ parvā
din bhī ab raat par nahīñ rote

ho sake to mujhe ik shaam ināyat karnā
barpā is dil pe mirī jaan qayāmat karnā

tū ne dekhī to hogī shām-e-ḳhizāñ
ai marīz-e-bahār sone de

jab bhaḌkī hai ātish-e-dāġh-e-jigar sard us ko dīda-e-nam ne kiyā
shādāb chaman meñ phūloñ ko har shām-o-sahar shabnam ne kiyā

maiñ jis kitāb ko har shaam ro ke paḌhtā huuñ
mire sanam kī zabāñ kā kalām hai shāyad

kin fazāoñ meñ ziyā-rez hai ai mehr-e-jamāl
ḳhāna-e-dil meñ mire shaam huī jaatī hai

bichhḌā sāthī DhūñDh rahī hai gūñjoñ kī ik Daar
bhīge bhīge nain uThā.e dekh rahī hai shaam

sahar se rishta-e-ummīd bāñdhne vaale
charāġh-e-zīst kī lau shaam hī se maddham hai

ye hasrat hai kahūñ maiñ dostoñ se
huī ab shaam ghar jaanā hai mujh ko

tum se milte haiñ jo ham un kī tasallī ke liye
varna aise to bahut shām-o-sahar dekhe haiñ

zindagānī ik fareb-e-dā.imī hai sar-ba-sar
mujh pe ye zāhir huā shām-o-sahar ko dekh kar

piite haiñ faqat saath nibhāne ke liye ham
har shaam ko ġham hotā hai mehmān hamārā

sub.h-e-ishrat hai vo na shām-e-visāl
haa.e kyā ho gayā zamāne ko

mutma.in sahrā meñ aa ke bhī nahīñ tanhā.iyāñ
shaam hote hī inheñ dīvār-o-dar bhī chāhiye

tū nahīñ hai to roz-o-shab kaise
shaam kyuuñ aa ga.ī sahar kyuuñ hai

sahar-o-shām meñ tanzīm kahāñ hotī hai
ḳhvāhish-e-sub.h kī tajsīm kahāñ hotī hai

maslūb āftāb sar-e-shām kyuuñ huā
honā thā hādisa to lab-e-bām kyuuñ huā