Tags-Shaam

uThāyā maiñ ne shām-e-hijr lutf-e-guftugū kyā kyā
tasavvur ne tirī tasvīr ke muñh meñ zabāñ rakh dī

yaad hai ab tak tujh se bichhaḌne kī vo añdherī shaam mujhe
tū ḳhāmosh khaḌā thā lekin bāteñ kartā thā kājal

udāsī pat-jhaḌoñ kī shaam oḌhe rāsta taktī
pahāḌī par hazāroñ saal kī koī imārat sī

bas ek dhuñd ḳhvāboñ kī fikr-o-ḳhayāl meñ
bas ek lams dard kā shām-o-sahar meñ thā

paḌ gayā vaqt to sadiyoñ ke bharam TuuT ga.e
kaam kuchh shaam se niklā na sahar se niklā

phir is ke ba.ad tambūr o alam nā-mo'tabar Thahre
koī qāsid na is shām-e-shikast-āsār tak aayā

charāġh-e-shām thā din bhar bujhā rahā koī
ġhurūb shams ke hote hī jal gayā koī

bahut dinoñ se nahīñ mujh pe din Dhalā jaise
maiñ tere rāstoñ pe shaam banñe aatā huuñ

qaid-e-ġham-e-hayāt se ahl-e-jahāñ mafar nahīñ
aisī milī hai shām-e-ġham jis kī koī sahar nahīñ

aaj ye shaam bhīgtī kyoñ hai
tum kahīñ chhup ke ro rahī ho kyā

muñh phertā nahīñ hai kisī kaam se badan
bikhrā paḌā hai aaj magar shaam se badan

shām-e-ġham kī baat ab kyuuñ ho 'shafaq'
har nafas talvār ho kar rah ga.ī

sub.h vaale ki shaam vaale dukh
paas mere hī aa.e jab aa.e

hazār gardish-e-shām-o-sahar se guzre haiñ
vo qāfile jo tirī rahguzar se guzre haiñ

dil se bach jaa.eñ agar dāġh-e-jigar meñ le jā.ūñ
kyuuñ charāġhoñ ko sar-e-shām sahar meñ le jā.ūñ

aaj yādoñ ne ajab rañg bikhere dil meñ
muskurāte haiñ sar-e-shām savere dil meñ

shaam aa.e aur ghar ke liye dil machal uThe
shaam aa.e aur dil ke liye koī ghar na ho

savād-e-shām pe sūraj utarne vaalā hai
Thahar bhī jā ki ye manzar ubharne vaalā hai

phir pusht pe har ḳhvāb kī zanjīr-zanī ho
jab shām-e-ġharībāñ mirī poshāk pe rakkho

jis ke liye ik umr se lambī kaaTī ham ne kaalī raat
sub.h vo kyuuñ hai shām-ba-dāmāñ maiñ bhī sochūñ tū bhī soch