Collections

Lab Shayari

Motivational Ghazals

Best Khamoshi Shayari

More Collections

Tags-Shaam

ab tire hijr meñ yuuñ umr basar hotī hai
shaam hotī hai to ro ro ke sahar hotī hai

ab tere hijr mein yun umr basar hoti hai

shaam gahre pāniyoñ meñ Duub kar ek baar phir
shahr ke maujūd manzar ko palaT kar dekhnā

apni aankhon ke hisaron se nikal kar dekhna

us shaam Dūbne kī tamannā nahīñ rahī
jis shaam tere husn ke dariyā tak aa ga.e

ek barg-e-KHushk se gul-e-taza tak aa gae

ho na ho tū hamārī majlis meñ
tazkira sub.h o shaam hai terā

dil churana ye kaam hai tera

shām-e-balā na mujh se churā is tarah nigāh
tanhā nahīñ huuñ maiñ mirī tanhā.iyāñ bhī haiñ

KHwabon ke sath zehn ki angDaiyan bhi hain

rashk-e-mahtāb hai ik dāġh-e-tamannā kab se
dil kā nazzāra karo aa ke sar-e-shām kabhī

KHwab ki rah mein aae na dar-o-baam kabhi

kahīñ par sub.h rakhtā huuñ kahīñ par shaam rakhtā huuñ
phir is be-rabt se ḳhāke meñ ḳhud se kaam rakhtā huuñ

kahin par subh rakhta hun kahin par sham rakhta hun

bār-hā jī meñ ye aa.ī umr-e-rafta se kahūñ
shaam hone ko hai ai bhūle musāfir ghar to aa

tu hai mani parda-e-alfaz se bahar to aa

shaam huī hai yaar aa.e haiñ yāroñ ke hamrāh chaleñ
aaj vahāñ qavvālī hogī 'jaun' chalo dargāh chaleñ

sham hui hai yar aae hain yaron ke hamrah chalen

shaam paḌte hī diyā kaun jalātā hai yahāñ
is havelī meñ na insāñ koī paayā ham ne

thapkiyan de ke tere gham ko sulaya humne

vo shaam kī sūrat hai na vo rañg-e-sahar hai
kis kaukab-e-manhūs kā yārab ye asar hai

ghabraiye kyun zindagi be-kaif agar hai

lahr ke qarīb mirī pyaas paḌī thī
abr koī shaam ke dayār meñ na thā

main kisi jawaz ke hisar mein na tha

shām-e-vasl aa.ī idhar maujūd thī sub.h-e-firāq
kam ghaḌī se bhī pahar haiñ is shab-e-kotāh ke

taq-e-abru hain pasan-e-taba ek dil-KHwah ke

havā chalī sar-e-sahrā to yuuñ lagā jaise
ridā-e-shām mire dosh se phisalne lagī

shafaq jo ru-e-sahar par gulal malne lagi

raat din shaam sahar pahar ghaḌī pal saa.at
māñgte jaatī hai ham ko tirī aan aan kī ḳhair

ai meri jaan hamesha ho teri jaan ki KHair

maiñ bhī huuñ zaḳhm zaḳhm tire intizār meñ
ik shaam rahguzar mirā vīrān ghar bhī hai

jaan KHud-shanas ho to dua mein asar bhi hai

raat din sub.h o shaam likhtā huuñ
aur bas terā naam likhtā huuñ

raat din subh o sham likhta hun

haañ magar barg-e-zard kī sūrat
sub.h ko maiñ bhī shaam kartā huuñ

aarzu-e-dawam karta hun

kabhī to shaam Dhale apne ghar ga.e hote
kisī kī aañkh meñ rah kar sañvar ga.e hote

kabhi to sham Dhale apne ghar gae hote

saare din merī tarah jaltā hai aur shaam Dhale
har-bun-e-mū se lipaT jaatā hai merā saayā

der tak raat andhere mein jo maine dekha