Tags-Shaam

ḳhuun bahātī hai 'bāsit' kohsāroñ par
shaam añdherī raat chhupā.e aatī hai

dil dhaḌaktā hai sar-e-shām ki guzregā abhī
vādi-e-shab se koī naġhma-sarā āvāra

na sham-e-dil na sham.a-e-ruḳh nujūm-e-shab na māh-e-shab
nigāh-o-dil dhuāñ dhuāñ ye shaam bhī kahāñ huī

bujhī nazar bujhe qadam na rāhbar na ham-safar
na rahguzar na kārvāñ ye shaam bhī kahāñ huī

'payām' us maqām par hai aaj dil kā kārvāñ
jahāñ zamīñ na āsmāñ ye shaam bhī kahāñ huī

kahāñ se aa gayā kahāñ ye shaam bhī kahāñ huī
na ham-nafas na ham-zabāñ ye shaam bhī kahāñ huī

lagī hai jaise aag sī chitā meñ jal rahā huuñ maiñ
pighal rahe haiñ jism-o-jāñ ye shaam bhī kahāñ huī

hayāt-e-ġham ke bojh se dabī dabī thakī thakī
luTī luTī sī bazm-e-jāñ ye shaam bhī kahāñ huī

na gesuoñ kī chhāñv hai na ārizoñ kī chāñdnī
na maañg kī vo kahkashāñ ye shaam bhī kahāñ huī

sub.h-e-chaman chaman na.ī shām-e-kiran kiran na.ī
ham tirī kā.enāt ko terā jamāl de ga.e

ḳhuub aapas meñ jaam Takrā.e
shaam is ehtimām se guzrī

shaam kī tarah udāsī ko
aur bhī gahrā hone do

dasht nahīñ hai ye to merā ghar hai lekin jaane kyuuñ
uljhā.e rahtī hai ik vahshat sī sub.h-o-shām mujhe

sub.h be-nūr shaam be-māya
luT ga.ī daulat-e-nigāh kahāñ

us se va.ada hai mileñge shaam ko
shaam kitnī der ke baad aa.egī

vo sard shaam vo bārish vo lāpatā yādeñ
kisī ne shaal meñ 'sāhir' chhupā liyā thā mujhe

phir yaad bahut aa.egī zulfoñ kī ghanī shaam
jab dhuup meñ saaya koī sar par na milegā

chalo zarā dostoñ se mil leñ kise ḳhabar is kī phir kab aa.e
ye sub.h-e-gulgūñ ḳhayāl vaalī ye mushkbū-shām ḳhvāb vaalī

tane se Tek lagā.e manāte shām-e-vafā
to raat raat meñ saarā daraḳht phal jaatā

bigḌail ho chale the ka.ī din se mere ḳhvāb
sach kī chhaḌī se shaam unheñ sīdhā kar diyā