Tags-Shaam

kisī ne jaam uchhālā ba-nām-e-shām-e-alam
koī malāl kī vahshat chhupā ke baiTh gayā

allāh re ḳhulūs ki manzil abhī hai duur
ġhurbat kī shaam aa ke milī mujh ġharīb se

kahāñ hai niiñd ki ham ḳhvāb dekheñ amrit kā
jo shaam guzrī hai us kā hai zahr āñkhoñ meñ

yuuñ ḳhayāl aatā hai us kā yaad aa.e jis tarah
garmiyoñ kī dopahar meñ shaam kī ThanDī havā

ujḌī ujḌī sī havā ḳhāk-ba-sar aatī hai
shaam utrī hai kahīñ shām-e-ġharībāñ ho kar

vo mire sahn meñ utre haiñ ujāle kahiye
shaam taktī hai dar-o-bām ko hairāñ ho kar

ham dekh ke tum se ruḳh-e-ārām miyāñ
ḳhush rahte haiñ dil meñ sahar o shaam miyāñ

raat behad chup hai aur us kā añdherā sharmagīñ
shaam paḌte hī damakte the jo rañgoñ ke nagīñ

ab to aa jā der huī hai
dekh zarā to shaam ke saa.e

shaam huī to kaale saa.e umaD paḌe
sub.h ko to har chiiz suhānī lagtī hai

marg-e-shām-e-visāl-e-hirmāñ hai
sub.h-dam jāñ-nisār honā thā

shaam hai kitnī be-tapāk shahr hai kitnā sahm-nāk
ham-nafaso! kahāñ ho tum jaane ye sab kidhar ga.e!

har na.ī shaam merī ujrat hai
din batānā hai rozgār mirā

ro rahā thā shaam ko sūraj lahū
chalne vaalā thak gayā lekin gayā

ḳhayāl jis ko ruḳh-o-zulf-e-yār kā hai bañdhā
vo jāntā hī nahīñ shaam aur sahar kyā hai

savād-e-koh-o-bayābāñ meñ shām-e-be-vatnī
hameñ lubhā ke kahāñ laa.e āhū-e-ḳhutanī

haiñ jū-e-tab-o-tāb pe anvār ke pyāse
aur shaam kā ye sāñvalā-pan mere liye hai

shaam se kaliyāñ dard kī mahkīñ jalte rahe ashkoñ ke charāġh
jaise sabā gulzār se guzre ham ne aise guzārī raat

ḳhat ba-har-hāl rahe ba.is-e-taskīn 'asad'
koī mausam ho yahāñ shaam suhānī likhnā

surma.ī shaam ke gharauñde meñ
ye shafaq māhtāb kī chaukhaT