Tags-Shaam

un hasīñ āñkhoñ meñ mai-ḳhāna kī shām-e-rañgīñ
jagmagā.egī magar 'aḳhtar'-e-sarshār to ho

pihnā-e-āsmāñ pe haiñ taarī udāsiyāñ
hai hai sukūt-e-shām kī pyārī udāsiyāñ

ye roz o shab ye sub.h o shaam ye bastī ye vīrāna
sabhī bedār haiñ insāñ agar bedār ho jaa.e

ai shām-e-ġham kī gahrī ḳhamoshī tujhe salām
kānoñ meñ ek aa.ī hai āvāz duur kī

ab tire hijr meñ yuuñ umr basar hotī hai
shaam hotī hai to ro ro ke sahar hotī hai

rotā huuñ shām-o-sahar TukḌe hai ġham se jigar
bedard kuchh rahm kar merā burā haal hai

jhilmilāte hue aañsū bhī ajab hote haiñ
shām-e-furqat ke ye jugnū bhī ajab hote haiñ

ye surma.ī bādaloñ ke saa.e
ye shaam kī taaza taaza sī rut

jo sun sako to sukūt-e-pas-e-navā bhī suno
yahī to maiñ tumheñ shaam o sahar sunātā huuñ

jab shaam huī dil ghabrāyā log uTh ke barā.e sair chale
taftīsh-e-sanam ko sū-e-haram ham jaan ke dil meñ dair chale

hai shaam abhī kyā hai bahkī huī bāteñ haiñ
kuchh raat Dhale saaqī mai-ḳhāna sambhaltā hai

shaam ke maskan meñ vīrāñ mai-kade kā dar khulā
baab guzrī sohbatoñ kā ḳhvāb ke andar khulā

balā se ho shaam kī siyāhī kahīñ to manzil mirī milegī
udhar añdhere meñ chal paḌūñgā jidhar mujhe raushnī milegī

tab garm-e-suḳhan kahne lagā huuñ maiñ ki ik umr
juuñ sham.a sar-e-shām se tā-sub.h jalā huuñ

jañg laḌne ga.e ham jo sahar-e-duniyā se
shaam ko ghar ka.ī hissoñ meñ bikhar kar aa.e

ham tum ki roz-o-shab mile shām-o-sahar mile
lekin na dil na zāviya-hā-e-nazar mile

shaam ke rañgoñ meñ rakh kar saaf paanī kā gilās
āb-e-sāda ko harīf-e-rañg-e-bāda kar liyā

baḌhne lagī yaqīn o gumāñ meñ jo kashmakash
va.ada bhī sub.h o shaam pe Taltā chalā gayā

likhe the dār-o-rasan jis kisī kī qismat meñ
phir us kī zulf ke saa.e meñ shaam ho na sakī

hañsūñ ki ro.uuñ maiñ apnī hayāt par 'mullā'
havā se bach ke sahar tak charāġh-e-shām aayā