Tags-Shaam

ghar kī vahshat se laraztā huuñ magar jaane kyuuñ
shaam hotī hai to ghar jaane ko jī chāhtā hai

unheñ bhī dāstān-e-hijr chupke se sunā hī dī
sukūn-e-shām-e-ġham ban kar sitāroñ kī zabāñ ho kar

farq bahut nahīñ yahāñ shaam o sahar ke darmiyāñ
pyaas agar dabī rahe aab o sarāb kuchh nahīñ

maiñ apne kushta charāġhoñ kā pul banā detā
kisī bhī shaam mirī nahr-e-pesh-pā tujh pe

palkoñ ke sitāre bhī uḌā le ga.ī 'anvar'
vo dard kī āñdhī kī sar-e-shām chalī thī

shafaq ke rañg meñ hai qatl-e-āftāb kā rañg
ufuq ke dil meñ hai ḳhanjar lahū-luhān hai shaam

ham vahāñ haiñ jahāñ kuchh bhī nahīñ rasta na dayār
apne hī kho.e hue shaam o sahar ke ham haiñ

tū jā rahā hai to merī sisaktī āñkhoñ se
sulagtī shaam pighaltī huī sahar le jā

phailtā phailtā shām-e-ġham kā dhuāñ
ik udāsī kā tantā huā sā.ebāñ

bahaktī shaam meñ tāroñ kā raqs-e-rindāna
rupahlī-sub.h kā kaliyoñ se vo jamīl andāz

bahaktī shaam meñ tāroñ kā raqs rindāna
rupahlī sub.h kā kaliyoñ se vo jamīl andāz

maiñ shaam ke hisār meñ jakḌā huā sā huuñ
manzar mire lahū meñ Dubo.e hue se haiñ

kaun dikhā.e mujhe shaam se kitnī hasīñ
kaun batā.e mujhe vaqt kī qīmat hai kyā

raat ke vaqt jeb meñ jugnū
sub.h-tā-shām haath meñ titlī

tum kyā ga.e ki saarā zamāna chalā gayā
vo rāt-din nahīñ haiñ vo shām-o-sahar nahīñ

jagmagā.egā mirī pahchān ban kar muddatoñ
ek lamha an-ginat shaam o sahar ke darmiyāñ

dīvane-pan kī ghāTī meñ aql kā sūraj Duub chalā
shahr-e-taḳhayyul par chhā.ī hai shaam kisī vīrāne kī

'rāhil' maiñ kisī shaam kā bujhtā huā sūraj
duniyā hī kahīñ merī azādār na ho jaa.e

yaad us kī duur mujh ko sar-e-shām le ga.ī
maiñ saarī raat apne liye jāgtā rahā

tire pāsbāñ se tirā pata kabhī ham ne pūchhā to ye milā
ki makāñ se vo sar-e-shām hī kahīñ ban-sañvar ke chale ga.e