Tags-Shaam

raat ko phir nigal gayā sūraj
shaam tak phir idhar udhar bhaTko

kohre meñ ghirī shaam kī Dolī se utar kar
tanhā.ī kī chaukhaT pe tirī yaar khaḌī hai

zindagī phailī huī thī shām-e-hijrāñ kī tarah
kis ko itnā hausla thā kaun jī kar dekhtā

zindagī phailī huī thī shām-e-hijrāñ kī tarah
kis ko itnā hausla thā kaun jī kar dekhtā

tum aa ga.e ho to kyuuñ intizār-e-shām kareñ
kaho to kyuuñ na abhī se kuchh ehtimām kareñ

kahīñ rañg-o-nūr-e-jamāl hai kahīñ bīm-o-fikr-e-ma.āl hai
kahīñ shaam ġhairat-e-sub.h hai kahīñ din bhī raat se kam nahīñ

āshiyāñ hotā to hotā lauTnā bhī
kyā kare 'panchhī' avadh kī shaam le kar

ye roz shaam se hai sub.h tak ḳhud-ārā.ī
ki shab ko ā.īna bhī apne ghar nahīñ aatā

sipāh-e-shām ke neze pe āftāb kā sar
kis ehtimām se parvar-digār-e-shab niklā

sa.ī-e-paiham hai tarāzu-e-kam-o-kaif-e-hayāt
terī mīzāñ hai shumār-e-sahar-o-shām abhī

har shām-o-sahar qurbāñ jis par duniyā-e-masarrat hotī hai
vo paikar-e-rāhat kyā jaane kaisī shab-e-furqat hotī hai

faqat mere chehre pe hī rañg khil ke nahīñ utre haiñ
shafaq shaam kī merī ā.ankhoñ se bhī jhāñktī lagtī hai

har dar pe ik baañg lagāveñ bhalā karo bas bhalā karo
ek hī shikva ek hī naala sub.h kiyā aur shaam kiyā

ruḳh pe zulfeñ bikhere aa jaao
lau lagā.e hue haiñ shaam se ham

haar kar hijr-e-nā-tamām se ham
chupke baiThe hue haiñ shaam se ham

kabhī khole to kabhī zulf ko bikhrā.e hai
zindagī shaam hai aur shaam Dhalī jaa.e hai

junūn-e-rah-ravī-e-vaqt kī raftār se pūchho
koī manzil nahīñ lekin ye sub.h o shaam chaltā hai

shaam kī raakh meñ luthḌī huī Dhalvānoñ par
ek revaḌ ke thake qadmoñ kā maddham āhañg

shaam kī raakh meñ luthḌī huī Dhalvānoñ par
kheltī hai ġham hastī kī vo shādāñ sī umañg

zulf se nisbat-e-nākām liye phirte haiñ
dhuup meñ shā.iba-e-shām liye phirte haiñ