Tags-Shaam

kuchh kar sakā na shaam talak rāh-e-shauq meñ
har pal har ek gaam pe be-jān sā rahā

dil nikle hī mehnat ke ghar haath jo ham ne bheje the
vo hī ḳhālī le kar lauTe shaam ko jholī bābū-jī

sub.h tak kyā kyā tirī ummīd ne ta.ane diye
aa gayā thā shām-e-ġham ik niiñd kā jhokā mujhe

arsa-e-rafta pe nazreñ paḌ rahī haiñ vahm kī
ḳhvāb kī tasvīr hai yā zindagī kī shaam hai

tāroñ se sajā leñge rah-e-shahr-e-tamannā
maqdūr nahīñ sub.h chalo shaam hī aa.e

jhiil āñkheñ thiiñ gulāboñ sī jabīñ rakhtā thā
shaam zulfoñ meñ chhupā kar vo kahīñ rakhtā thā

unheñ bhī dekh kabhī ai nigār-e-shām-e-bahār
jo ek rañg se tasvīr-e-jāñ banāte haiñ

tire ik na hone se sāqiyā na vo mai na shīsha-o-jām hai
na vo sub.h ab mirī sub.h hai na vo shaam ab mirī shaam hai

na to apne ghar meñ qarār hai na tirī galī meñ qayām hai
tirī zulf o ruḳh kā farefta kahīñ sub.h hai kahīñ shaam hai

har dar pe ik baañg lagāveñ bhalā karo bas bhalā karo
ek hī shikva ek hī naala sub.h kiyā aur shaam kiyā

shām-e-visāl se ho kyā mahv-e-fareb-e-ārzū
yaad nahīñ rahī hameñ sub.h-e-vidā-e-yār kyā

shaam jab lauT ga.ī chhoḌ ke tanhā tujh ko
tā mujhe chhoḌ ke ab raat bhī Dhal jā.egī

dil-e-betāb Thahar ashk-e-tamannā ke tufail
bazm-e-furqat ko sar-e-shām sajā luuñ to chalūñ

shaam ke chalte haath ne tujh ko
merā salām to bhejā hogā

merā sāthī shaam kā taarā
tujh se aañkh milātā hogā

shaam huī ab tū bhī shāyad
apne ghar ko lauTā hogā

ai shām-e-hijr-e-yār mirī tū gavāhī de
maiñ tere saath saath rahā ghar nahīñ gayā

zard patte shaam phir bikhrā ga.ī
saañs letī hijrateñ haiñ duur tak

sub.h har roz isī ġham meñ hameñ hotī hai shaam
aah jāgeñge mire kaun sī ab raat nasīb

raat din ke hañgāme ek muhīb tanhā.ī
sub.h-e-zīst bhī tanhā shām-e-zīst bhī tanhā