Tags-Shaam

ḳhayāl us kā aayā to ḳhizāñ kī shaam kyā
kabhī kabhī to umr kī nadī palaT ga.ī

maiñ abhī tak rizq chunñe meñ yahāñ masrūf huuñ
lauT jaate haiñ parinde shaam kī surḳhī ke saath

monis-e-vahdat ko kho baiThā baḌī mushkil ye hai
kāTnā ik shām-e-furqat kā zarā sā kaam thā

bas yahī fiqra ki shām-e-hijr ne maarā mujhe
koī kah aatā to kitnā muḳhtasar paiġhām thā

be-mahal dil ke bujhāne se unheñ kyā mil gayā
jis ko sham-e-sub.h samjhe vo charāġh-e-shām thā

zulf bikhrā.e sar-e-shām pareshān haiñ vo
qismateñ auj pe haiñ chāk-garebānoñ kī

raqsāñ abhī haiñ shām-e-ġharībāñ kī jhalkiyāñ
raushan nahīñ hai ḳhanda-e-sub.h-e-vatan abhī

ye kashish magar kyā hai reshmī lakīroñ meñ
shaam kaise hotī hai nāchte jazīroñ meñ

shor sā uThtā rahtā hai dīvāreñ boltī rahtī haiñ
shaam abhī tak aa nahīñ paatī koī khilaune toḌtā hai

ḳhvāb-mahal meñ kaun sar-e-shām aa kar patthar mārtā hai
roz ik taaza kāñch kā bartan haath se gir kar TūTtā hai

vaqt koī shaam nahīñ
jise vahshat se Dhāñpā jā sake

kis salīqe se vo mujh meñ rāt-bhar rah kar gayā
shaam ko bistar sā kholā sub.h ko tah kar gayā

kanār-e-shām ufuq thā vahī magar vīrān
ḳhalā ke silsila-e-lams ke asar se thā

zamīñ madār pe raqsāñ hai sub.h o shaam mudām
kure ke chaar taraf ik muhāsara sā hai

shāmil hai sarisht-e-insāñ meñ tūl-e-shab-e-ġham kā unsur bhī
ye shām-e-firāq-e-ġham-āgīñ sub.h-e-shab-e-hijrāñ kuchh bhī nahīñ

shaam hote hī simaT jā.eñge saare raste
bahte dariyā se jahāñ hoge Thahar jāoge

kyuuñ bhalā us ko sar-e-shām ye zahmat dī jaa.e
kyuuñ na maiñ ḳhud hī zarā chal ke nishāna ho jā.ūñ

shaam hotī hai to lagtā hai koī ruuTh gayā
aur shab us ko manāne meñ guzar jaatī hai

ek pul par khaḌā shaam kā āftāb
sab ko taktā hai bas aate jaate hue

sajānī hotī hai jis raat chāñd ko mahfil
sitāre shaam se chhat par utarne lagte haiñ