Tags-Shaam

hai sub.h-e-banaras ruup us kā to shām-e-avadh gesū us ke
vo merī ġhazal hai merī ġhazal tum merī ġhazal kī baat karo

muñh basore ye shaam khiḌkī par
aan baiThī hai dopahar hī se

jis tak koī koī abhī pahuñchā hī nahīñ hai
vo mash.al-e-be-nūr sar-e-shām hamīñ haiñ

udāsī dekh aa.ī hai makāñ shahr-e-mohabbat meñ
jahāñ maiñ shaam ko jā kar bayāna karne vaalā huuñ

ham use anfus o āfāq se rakhte haiñ pare
shaam koī jo tire ġham se tahī jaatī hai

galī ke moḌ par ik aadmī pareshāñ-hāl
ki jis kī shām-e-javānī thī sogvār-e-zavāl

the jo rañgīnī-e-dāmān-e-nazar kā sāmāñ
dīda-e-shauq vahī shām-o-sahar māñge hai

utrī shaam to barsā paanī yā allāh
ham jaisoñ kī yahī kahānī yā allāh

unheñ DhūñDho safar kī shaam se pahle
kisī anjām se pahle

din jo Dhal jaa.e to phir dard koī jaag uThe
shaam ho jaa.e to phir aap kā rasta dekhūñ

thā shaam se daġhdaġha sahar kā
dhaḌkā hī lagā rahā gajar kā

sahar ek maash pheñkā mujhe jo dikhā ke un ne
to ishārā maiñ ne taaḌā ki hai lafz-e-shām ulTā

kah de man kī baat to gorī kaahe ko sharmātī hai
shaam Dhale tujh ko kis aprādhī kī yaad satātī hai

na bayāñ ho jo mile sub.h-e-azal shām-e-abad
hashr hai beach kā TukḌā mire afsāne kā

shaam se hī fikr gahrī ho ga.ī
shahr se jab log ghar aa.e nahīñ

vo aa.e haiñ yaad shām-e-hasrat
yā koī charāġh jal gayā hai

koī narm havā kā jhoñkā
sub.h nahīñ to shaam chalegā

chakkar the paañv meñ koī shām-o-sahar 'zafar'
uupar se mere sar pe savār intizār thā

ye shaam aur us par tirī yādoñ kī halāvat
ik jaam meñ do shai kā nasha DhūñDh rahā huuñ

udaas udaas haiñ sham.eñ bujhe bujhe sāġhar
ye kaisī shām-e-ḳharābāt ho ga.ī pyāre