Tags-Shaam

kal shaam vo tanhā thā samundar ke kināre
kyā soch rahe ho koī aḳhbār to dekho

un se kuchh ye shafaq-e-shām lagā bhī aa.ī
ki shab-e-va.ada jo aa.ī to hinā bhī aa.ī

sukūt-e-shām samundar parindagāñ sūraj
ye lamha lamha badaltā huā jahāñ sūraj

jaise uchhle junūñ kī pahlī shaam
is adā se vo zulf barham hai

vahī sub.h o shaam ke marhale vahī ḳhaal o aab ke silsile
vahī qisse nān-o-namak ke haiñ vahī jhagḌe māl-o-manāl ke

na malāl-e-hijr na muntazir haiñ havā-e-shām-e-visāl ke
ham asiir apnī hī zaat ke kisī ḳhvāb ke na ḳhayāl ke

nafas nafas hai tire ġham se chuur chuur ab tak
na shaam hai na saverā qarīb duur ab tak

ye ruḳh-e-yār nahīñ zulf-e-pareshāñ ke tale
hai nihāñ sub.h-e-vatan shām-e-ġharībāñ ke tale

kaj-adā.ī kī chādar se muñh Dhāñp kar sone vaalā sar-e-shām hī so gayā
ḳhushk yādoñ ke pattoñ bhare khet meñ saañp sā raat bhar sarsarātā rahā

aañkh ne dekhā sar-e-shām vo manzar 'fartāsh'
karnā chāhūñ bhī to tasvīr nahīñ kar saktā

aaj tak yaad hai vo shām-e-judā.ī kā samāñ
terī āvāz kī larzish tire lahje kī thakan

be-ravī o zulf-e-yār hai rone se kaam yaañ
dāman hai muñh pe abr-e-namat sub.h-o-shām yaañ

yahāñ shaam bhī raat bhī din bhī raushan
gunāhoñ savāboñ kī kis ko ḳhabar hai

shaam kā raqs maidān-e-hañgāma-e-ḳhauf meñ
garm hotā rahā

duāoñ kā apnī asar har taraf
munavvar haiñ shaam o sahar har taraf

ho hī rahtā hai kisī but kā nazāra tā-shām
sub.h ko uTh ke jo ham nām-e-ḳhudā lete haiñ

ḳhurshīd misāl shaḳhs kal shaam
miTTī ke supurd kar diyā hai

tum parindoñ se ziyāda to nahīñ ho āzād
shaam hone ko hai ab ghar kī taraf lauT chalo

apnī duniyā ke mah-o-mehr sameTe sar-e-shām
kar gayā jāda-e-fardā ke havāle mujhe koī

zindagī shām-e-ġham kī bāñhoñ meñ
ik sulagtī huī sī tanhā.ī