Tags-Shaam

ḳhair dhuñdlā.ī sī thī raushnī-e-shām-e-ḳhizāñ
bāġhbāñ vo bhī to is sub.h-e-bahārāñ meñ nahīñ

musalsal ġham musalsal dard se tañg aa ke ai 'sāhil'
ham aise ahl-e-furqat ne sahar ko shaam likkhā hai

gahnā.e hue chāñd aur dhundlā.e hue sūraj
furqat meñ in āñkhoñ ne kyā shām-o-sahar dekhe

tirī sub.h-e-aish hai kyā balā tujhe ai falak jo ho hausla
kabhī kar le aa ke muqābla ġham-e-hijr-e-yār kī shaam se

baam pe shaam huī gorī ko
añg kā rañg adā meñ utrā

ye kaun log haiñ har shaam tāq-e-mizhgāñ par
charāġh-e-yād jalāne kahāñ se aate haiñ

peḌ ke pattoñ meñ halchal hai ḳhabar-dār se haiñ
shaam se tez havā chalne ke āsār se haiñ

dopahar ke ba.ad us ne phuul jaise haath se
shaam tak lohe kī zanjīroñ ke TukḌe kar diye

shaam tak lauT ā.ūñgā hāthoñ kā ḳhālī-pan liye
aaj phir niklā huuñ maiñ ghar se hathelī chuum kar

itne bhī na ham ḳharāb hote rahte
kaahe ko ġham-o-alam se rote rahte

jis shaam giraftārī qismat meñ mirī aa.ī
us shaam kī lazzat se maiñ aur bikhar jaatā

aaj to jaise din ke saath dil bhī ġhurūb ho gayā
shaam kī chaa.e bhī ga.ī maut ke Dar ke saath saath

ġham kī kaifiyyat ne aañsū zeb-e-mizhgāñ kar diye
shaam hote hī sitāre raushnī meñ aa ga.e

ik ik palak pe chhā.ī hai mahrūmiyoñ kī shaam
zabt-e-suḳhan kī aag meñ jalte laboñ ko dekh

sub.h-e-ka.aba shām-e-but-ḳhāna kī hai mujh ko talāsh
DhūñDhtī hai sub.h-e-ka.aba shām-e-but-ḳhāna mujhe

uḌte hue parindoñ ke shah-par sameT luuñ
jī chāhtā hai shaam ke manzar sameT luuñ

aañkh meñ utrā huā thā shaam kā pahlā sitārā
raat ḳhālī sar pe thī aur sard bistar sāmne thā

hamāre hī ghar se nikaltā hai aksar
jise log shām-o-sahar dekhte haiñ

saath ho letā hai har shaam vahī sannāTā
ghar ko jaane kī na.ī raah nikālī jaa.e

kahte haiñ jise shām-e-firāq ahl-e-mohabbat
Thahrā hai isī shaam kā manzar mire andar