Tags-Shaam

shaam huī to sūraj soche
saarā din bekār jale the

vidā.a kī shaam inhī sāhiloñ pe rahne do
uThā ke dasht kahīñ apne ghar na le jaanā

mere aañsū piine shaam ko ik chiḌiyā
merī god meñ aa baiThe uḌ kar chup-chāp

Dūbtā sūraj tumhārī yaad vāpas kar gayā
shaam aa.ī zaḳhm taaza ho gayā honā hī thā

jo dekhiye to zamāna hai tez-rau kitnā
tulū-e-sub.h abhī hai to vaqt-e-shām abhī

aanā hai to aa bhī jaao
shaam Dhalegī Dhalte Dhalte

muddat se ek raat bhī apnī nahīñ huī
har shaam koī aayā uThā le gayā mujhe

shaam ke ba.ad sitāroñ ko sambhalne na diyā
raat ko rok liyā chāñd ko Dhalne na diyā

taḳh.īl kā dar khole hue shaam khaḌī hai
goyā koī tasvīr ḳhayāloñ meñ jaḌī hai

shaam kā manzar uljhā rasta ek kahānī tū aur maiñ
Dhaltā sūraj baḌhtā saaya kashtī-rānī tū aur maiñ

ye husn ke jalve ye fazāoñ kā tarannum
ye shām-e-chaman shām-e-kalīsā to nahīñ hai

ye dil-fareb banaras kī subah kā manzar
avadh kī shām-e-dil-ārā hamāre paas to hai

bichhaḌne se bhī sivā hai ye ġham ki shām-e-firāq
koī sitāra in āñkhoñ meñ jhilmilāyā nahīñ

raat din chain ham ai rashk-e-qamar rakhte haiñ
shaam avadh kī to banaras kī sahar rakhte haiñ

har shaam sunāte the hasīnoñ ko ġhazal ham
jab maal bahut thā to saḳhāvat bhī bahut thī

dhuup meñ tark-e-marāsim kī jhulasne vaale
āḳhirī shām-e-mulāqāt abhī baaqī hai

sar-e-shām duur fazāoñ meñ ye jo aa.ine se chamak uThe
yahī Dhaltī dhuup ke rañg the ki jo tā.eroñ ke paroñ meñ the

shām-e-vidā.a thī magar us rañg-bāz ne
paañv pe hoñT rakh diye jaane nahīñ diyā

shaam kā piñjra mere jism pe gir jaatā hai
aur maiñ darja dom kā qaidī