Tags-Shaam

havādasoñ se jamāl-e-ruḳh-e-hayāt hai yuuñ
qarīb shaam ho jis tarah āftāb kā rañg

khulī khiḌkiyoñ ke flat se zarā jhāñk shaam ko road par
tire intizār kī manzileñ haiñ mirī kamand ke sāmne

shaam kī bāñhoñ meñ 'nomān'
kis ko sochtā rahtā hai

sahar ke bhūle sar-e-shām lauT ā.eñge
laveñ baḌhā ke charāġhoñ kī baam par rakkho

manzar-e-shām-o-sahar par na ho giryāñ shabnam
ġhuncha-o-gul ke nigahbān badal jaate haiñ

sub.h kā nayā sūraj kuchh to raushnī legā
shaam se jalāyā hai aas kā diyā ham ne

ajab tilism-e-safar hai ki shām-e-maqtal tak
pahuñch gayā huuñ maiñ har moḌ par Thahartā huā

tirā ḳhayāl sar-e-shām ġham sañvartā huā
bahut qarīb se guzrā salām kartā huā

shaam kī ThanDī rut ne bhare haiñ āb-e-hayāt se nain
moñgroñ vaale baaġh ne oḌhī gahrī kāsnī shaal

sub.h se shaam huī aur hiran mujh ko chhalāve detā
saare jañgal meñ pareshān kiye ghuum rahā hai ab tak

yādoñ kī anjuman meñ unheñ bhī bulā liyā
ik shaam yuuñ bhī ham ne bahut yādgār kī

diye muñDer pa rakh aate haiñ ham har shaam na jaane kyuuñ
shāyad us ke lauT aane kā kuchh imkān abhī baaqī hai

maiñ vo nākām musāfir huuñ jahāñ meñ jis ko
shām-e-ġhurbat ke sivā sub.h-e-vatan yaad nahīñ

vo sab charāġh ki thī jin meñ raushnī kī ramaq
bujhā diye ga.e bastī meñ shaam se pahle

hameñ to shām-e-ġham meñ kāTnī hai zindagī apnī
jahāñ vo haiñ vahīñ ai chāñd le jā raushnī apnī

surma.ī shaam ke hamrāh parindoñ kī qatār
dekhne vāloñ kī āñkhoñ ko bashārat koī

vo mai-kade ko jagāne vaalā vo raat kī niiñd uḌāne vaalā
ye aaj kyā us ke jī meñ aa.ī ki shaam hote hī ghar gayā vo

bas ek motī sī chhab dikhā kar bas ek mīThī sī dhun sunā kar
sitāra-e-shām ban ke aayā ba-rañg-e-ḳhvāb-e-sahar gayā vo

ḳhurshīd-e-shām-e-rafta lauTe to us se pūchhūñ
maiñ zindagī kī kitnī sub.heñ gañvā chukā huuñ

zulmat o nuur ko pyāloñ meñ samo detī hai
shaam paḌte hī tirī chashm-e-ġhilāfī saaqī