Tags-Shaam

shaam aa.ī aur sab shāḳhoñ kī galiyāñ so ga.iiñ
maut kā saayā sā mañDlāne lagā ashjār par

jab shaam utartī hai kyā dil pe guzartī hai
sāhil ne bahut pūchhā ḳhāmosh rahā paanī

guzartī shaam daraḳht aabjū sukūt aur maiñ
suḳhan-misāl ye manzar bhī gūñjtā hī na ho

sar-e-bām-e-hijr diyā bujhā to ḳhabar huī
sar-e-shām koī judā huā to ḳhabar huī

phir din tirī yādoñ kī muñDeroñ pe guzārā
phir shaam huī aañkh meñ aañsū nikal aa.e

maiñ akelā aur safar kī shaam rañgoñ meñ Dhalī
phir ye manzar merī nazroñ se bhī ojhal ho gayā

vo havā thī shaam hī se raste ḳhālī ho ga.e
vo ghaTā barsī ki saarā shahr jal-thal ho gayā

zarā dekho gardanoñ par sar-e-shām jhuk chale haiñ
ye kañval haiñ kitne pyāre inheñ daar par sajāo

shaam khule to nashshe kī had jaarī hotī hai
tishna-kāmoñ kī hujjat par sāġhar khulte haiñ

shaam hote hī is kī nam-ālūd aur khurdurī khaal se
is ke be-Dhañg a.azā se

din bhar kī jāñ-soz thakan kā ajr chukāne ko 'ḳhurshīd'
shaam ke parbat par baiThī hai ik saa.at nokīlī sī

tujhe kho ke go maiñ sambhal gayā ye na kah ki 'shāz' badal gayā
pas-e-parda terī panāh meñ mirī shaam bhī hai sahar bhī hai

ujāle apnī yādoñ ke hamāre saath rahne do
na jaane kis galī meñ zindagī kī shaam ho jaa.e

samundar ke safar meñ is tarah āvāz de ham ko
havā.eñ tez hoñ aur kashtiyoñ meñ shaam ho jaa.e

kabhī to āsmāñ se chāñd utre jaam ho jaa.e
tumhāre naam kī ik ḳhūb-sūrat shaam ho jaa.e

hamārā dil savere kā sunahrā jaam ho jaa.e
charāġhoñ kī tarah āñkheñ jaleñ jab shaam ho jaa.e

shām-e-e.ajāz ajab aa.ī hai tanhā.ī meñ
kahkashāñ se utar aa.e sitāre dil par

āsmāñ par ik sitāra shaam se betāb hai
merī āñkhoñ meñ tumhārā ġham nahīñ hai ḳhvāb hai

zarre ko āftāb banāyā thā ham ne aur
dhartī pe qahr shām-o-sahar raushnī kā thā

shaam kaisī mire āñgan meñ utar aa.ī hai
yaad hai dil meñ tirī ālam-e-tanhā.ī hai