Tags-Shaam

vo ḳhat vo chehra vo zulf-e-siyāh to dekho
ki shaam sub.h ke baad aa.e sub.h shaam ke baad

mezbānī thī kabhī jin meñ mayassar terī
palaT ā.eñge vahī shām-o-sahar jānte haiñ

roz hī sūraj nikle 'manzar' roz hī sūraj Duube
maiñ jis kī raah dekhūñ jā kar phir vo shaam na aa.ī

baiThe baiThe jal uThtī haiñ bhīgī bhīgī āñkheñ
āb-e-ravāñ meñ aag lagā kar phir vo shaam na aa.ī

nadī kināre kā vo manzar takne ko jī chāhe
kūñjoñ kī ik Daar uḌā kar phir vo shaam na aa.ī

terī bātoñ kī ḳhushbū se mahkī vaadī vaadī
phūloñ ke ambār lagā kar phir vo shaam na aa.ī

so.e hue jazboñ ko jagā kar phir vo shaam na aa.ī
sañg tire bas ik din aa kar phir vo shaam na aa.ī

ab kaun muntazir hai hamāre liye vahāñ
shaam aa ga.ī hai lauT ke ghar jaa.eñ ham to kyā

safar kī shaam sitāra nasīb kā jaagā
phir āsmān-e-mohabbat pe ik hilāl khilā

'ātish' tujh ko naaz bahut thā sūraj par
shaam ke Dhalte hī jis ko bujh jaanā thā

ḳhūn-e-nāhaq hai ye are tauba
sub.h ġhunchoñ kā shaam phūloñ kā

kyā ḳhabar tujh ko guzārī kaise maiñ ne shām-e-ġham
āñsuoñ kā paanī le kar maiñ vuzū kartī rahī

ga.ī aadhī raat guzar magar na to aa.e ḳhud na lī kuchh ḳhabar
maiñ taḌap rahā huuñ idhar udhar yūñhī intizār meñ shaam se

allāh rī vāmāñdagī-e-qāfila-e-shām
baiThe rahe tā-sub.h sar-e-rāh-guzar ham

tirā paañv shaam pe aa gayā thā ki chāñd thā
tirā hijr sub.h ko jal uThā thā ki phuul thā

kal bhī ruḳh-e-hayāt par rañg-e-shaguftagī na thā
sub.h-e-bahār-e-zindagī shām-e-ḳhizāñ hai aaj bhī

har sub.h chaak ho hai nāseh mirā garebāñ
har shaam tū rakhe hai nāhaq silā silā kar

fardā ko duur hī se hamārā salām hai
dil apnā shaam hī se charāġh-e-sahar huā

mujh ko āñkheñ pasand aatī haiñ
maiñ kisī shaam kā muqaddar huuñ

bahut qarīne kī zindagī thī ajab qayāmat meñ aa basā huuñ
sukūn kī sub.h chāhtā thā so shām-e-vahshat meñ aa basā huuñ