Tags-Shaam

aur is tarah se mirī shab guzar bhī jaatī hai
sahar ko shaam se irshād kartā rahtā huuñ

kaise sub.h ko shaam karūñgā kaise kaTeñge umr ke din
soch rahā huuñ ab jo yahī be-chārgī-e-hālāt rahī

shaam se pahle raat utarne lagtī hai
hañs dete haiñ jab ā.īne chehre par

ai arz-e-sahar ke rāh-ravo manzil pe pahuñchne se pahle
har qāfila jis ne luuT liyā us shaam se bachnā mushkil hai

sub.h ruḳhsat kare makāñ merā
shaam ko ḳhud hī DhūñDhtā hai mujhe

Dar hai ki shām-e-hijr meñ dil kā diyā bujhā na deñ
ab ke havā kī sāzisheñ shola-e-ārzū se haiñ

tū urūs-e-shām-e-ḳhayāl bhī tū jamāl-e-rū-e-e-sahar bhī hai
ye zarūr hai ki ba-īñ-hama mirā ehtimām-e-nazar bhī hai

tujh zulf kī shikan hai mānind-e-dām goyā
yā sub.h par hamārī aa.ī hai shaam goyā

maze se so.uuñ agar haath aa.e shām-e-firāq
maiñ ek lamha bhī is shab kā rā.egāñ na karūñ

vo tab-e-yās-parvar ne mujhe chashm-e-aqīdat dī
ki shām-e-ġham kī tārīkī ko bhī nūr-e-sahar jaanā

thā va.ada shaam kā magar aa.e vo raat ko
maiñ bhī kivāḌ kholne fauran nahīñ gayā

us kī yaad bhī us kī tarah ulTe vaqtoñ aatī hai
shaam Dhale tak duur rahe aur paas vo raat meñ hotī hai

shaam bojhal sī
ghane peḌ se āñgan meñ utar aa.ī hai

ai parindo kisī shaam uḌte hue
rāste meñ agar vo nazar aa.e to

mere ghar ke āñgan meñ
koī shaam suhānī rakh

tulūa honā ufuq par mah-e-visāl sā kuchh
tire badan kā sar-e-shām rañg-o-bū honā

fazā-e-tīra-shabī kā hisāb karnā hai
charāġh-e-shām tujhe māhtāb karnā hai

kaun samjhe ham pe kyā guzrī hai 'naqsh'
dil laraz uThtā hai zikr-e-shām se

raat kā kyā zikr hai shām-o-sahar aayā nahīñ
kaun sā ilzām hai jo mere sar aayā nahīñ

maiñ apne aap ko bhī dekhne se qāsir huuñ
ye shām-e-hijr mujhe kyā dikhānā chāhtī hai