Tags-Shahr

būḌhī pagDanDī shahr tak aa kar
apne beTe talāsh kartī hai

tum se mile to shahr-e-tamannā kitnā phail gayā
kyā kyā ḳhvāb na.e tāmīr hue tābīroñ se

pūchh le 'parvīñ' se yā qais se daryāft kar
shahr meñ mash.hūr hai tere fidā.ī kā ishq

misl-e-charāġh tīrgi-e-jism-o-jāñ meñ dil
ik shahr-e-be-nishān thā vo bhī nahīñ rahā

tamām shahr ke dānishvaroñ ko vo zālim
asīr-e-zulf kiye āsare meñ rakhtī hai

sukūñ ke saa.e meñ shāyad use bhulā baiThe
mudām shahr ko ik zalzale meñ rakhtī hai

tumheñ dikhā.ūñ maiñ shahr-e-jadīd kā naqsha
ye DeḌh iiñT kī masjid hai ye shivāla hai

sabz pattoñ ne bhī shāḳhoñ se baġhāvat kar dī
aaj is shahr meñ kis zor kī āñdhī aa.ī

shahr-e-saffāk kī be-dard guzargāhoñ meñ
jagmagāte haiñ charāġh-e-sar-e-maqtal kyā kyā

kis liye jaa.eñ bhalā dasht ko ham dīvāne
shahr hī bante chale jaate haiñ jañgal kyā kyā

ab bhī har moḌ pe ik tishna-labī hai 'betāb'
yuuñ to is shahr pe barsā kiye bādal kyā kiyā

kise dost apnā banā.eñ ham kise dil kā haal sunā.eñ ham
sabhī ġhair haiñ sabhī ajnabī tire gaañv meñ mire shahr meñ

lāshoñ ke har ek shahr meñ bāzār saje haiñ
har moḌ pe hai ik nayā maqtal mire allāh

rut mirī bastī ko is darja bhī bārānī na de
shahr-e-dil ke sabza-zāroñ ko ye vīrānī na de

lag gayā ik mashīn meñ maiñ bhī
shahr meñ le ke aa gayā koī

tū bhī is shahr kā baasī hai to dil se lag jā
tujh se vābasta hai ik yaad purānī merī

kārvān-e-himmat-e-jamhūr baḌhtā hī gayā
shahr-yār-o-hukmarāñ aate rahe jaate rahe

zamīñ se tā-ba-falak dhund kī ḳhudā.ī hai
havā-e-shahr-e-junūñ kyā payām laa.ī hai

dekhiye shahr meñ kab bād-e-yaqīñ chaltī hai
kū-ba-kū phailī hai auhām kī bīmārī sī

terī dastak kā muntazir 'anjum'
shahr meñ hogā koī dar na samajh