Tags-Shahr

dīvānoñ ke mānind mare shahr ke sab log
dastār ke qābil koī sar DhūñD rahe haiñ

ab shaam hai to shahr meñ gaañv ke parinde
rahne ke liye koī shajar DhūñD rahe haiñ

hamla hai chaar sū dar-o-dīvār-e-shahr kā
sab jañgaloñ ko shahr ke andar sameT lo

ye shahr-e-dil meñ bhalā aaj kis kī aamad hai
ye mahv-e-raqs haiñ ḳhushbūeñ kū-ba-kū kaisī

ġhurbat kī tez aag pe aksar pakā.ī bhuuk
ḳhush-hāliyoñ ke shahr meñ kyā kuchh nahīñ kiyā

koī daanā koī dīvāna milā
shahar meñ har shaḳhs begāna milā

kabhī mujh se soz-e-hayāt le kabhī mujh se sāz-e-hayāt sun
maiñ fazā-e-qarya-e-hijr huuñ maiñ havā-e-shahr-e-visāl huuñ

hai mire shahr meñ kitne hī shikārī chehre
apnī sūrat meñ jo rakhte nahīñ sūrat apnī

aag sī barastī hai sabz sabz pattoñ se
duur bhāgte haiñ log shahr ke daraḳhtoñ se

amīr-e-shahr kā husn-e-tadabbur
raqīboñ ko bhī apnā yaar jaanā

haiñ numāyāñ jis ke chehre par haqīqat ke nuqūsh
tere shahr-e-ḳhvāb meñ vo aadmī tanhā huuñ maiñ

ye shahr apnī isī hāv-hū se zinda hai
tumhārī aur mirī guftugū se zinda hai

gard-ālūda fazā bīnā.ī gard-ālūd thī
pattharoñ ke shahr meñ sunvā.ī gard-ālūd thī

tum abhī shahr meñ kyā na.e aa.e ho
ruk ga.e raah meñ hādsa dekh kar

itnī raunaq hai ki jī Dūbtā hai
shahr meñ ḳhaak uḌāne nikle

maiñ vo gardan-zadanī huuñ ki tamāshe ko mire
shahr ke log khaḌe haiñ ba-sar-e-bām tamām

bayābāñ duur tak maiñ ne sajāyā thā
magar vo shahr ke raste se aayā thā

sūraj vahī thā dhuup vahī shahr bhī vahī
kyā chiiz thī jo jism ke andar ThiThar ga.ī

har galī shahr kī phūloñ se sajī mere liye
har darīche meñ koī chāñd sā chehra chamkā

shahr kī galiyoñ ke raushan zāviye
raat kī tanhā.iyoñ ke ham-safar