Tags-Shahr

'nidā' ne shahr meñ gaañv basā ke rakhā thā
so un se milne usī gaañv jā rahā thā maiñ

har raat difā-e-shahr-e-jāñ ko
haarī huī fauj utārte haiñ

vo mere saath shurū-e-safar chalā thā magar
hujūm-e-shahr meñ lī raah aur hī us ne

lāshoñ kā ek Dher hai ghere hue mujhe
ābād ek shahr mire ās-pās hai

shahr ke haspatāl meñ us ko
ek hafta huā hai aa.e hue

ik shahr-e-tishna-kām meñ jiite haiñ yuuñ 'sahar'
aatā hai roz ḳhvāb meñ dariyā kā silsila

bahtī havā kī mauj meñ tair rahe the sabz ghar
shahr ajiib sā lagā raat chaḌhe ḳhumār meñ

bam phaTe log mare ḳhuun bahā shahr luTe
aur kyā likkhā hai aḳhbār meñ aage paḌhiye

duur tak koī bhī nahīñ dil meñ
āḳhirī shahr bhī milā vīrān

kyuuñ shaam se Duube se ho ummīd ke taaro
ābādī-e-dil-e-shahr-e-ḳhamoshāñ to nahīñ hai

kabhī na chāhne vāloñ kā ḳhūñ-bahā māñgā
nigār-e-shahr-e-suḳhan be-zamīr aisī thī

maiñ abr-o-bād se tūfāñ se sab se Dartā huuñ
ġharīb-e-shahr huuñ kāġhaz ke ghar meñ rahtā huuñ

shahr-e-dil kā jo makīñ hai vo bichhaḌtā kab hai
jis qadar duur gayā aañkh se ojhal na huā

ḳhūn-e-dil aur nahīñ rañg-e-hinā aur nahīñ
ek hī rañg meñ haiñ shahr ke manzar saare

pāk-bāzoñ kī ye bastī hai farishtoñ kā nagar
koī is shahr meñ mai-ḳhvār nahīñ hai bhaa.ī

phir tirā shahr ubhar aayā hai mere har sū
phir vahī log, vahī tarz-e-suḳhan hai, maiñ huuñ

peshtar is ke ki apnī dāstāneñ bhuul jaao
shahr-e-afsūñ meñ bhaTakte rāvi.yo vāpas chalo

kisī shahr meñ kisī hajar meñ
farsh-e-zamīñ par arsh-e-barīñ par

shahr ke dukāñ-dāro kārobār-e-ulfat meñ suud kyā ziyāñ kyā hai tum na jaan pāoge
dil ke daam kitne haiñ ḳhvāb kitne mahñge haiñ aur naqd-e-jāñ kyā hai tum na jaan pāoge

maiñ ab to shahr meñ is baat se pahchānā jaatā huuñ
tumhārā zikr karnā aur karte hī chale jaanā