Tags-Shahr

soch rahe ho socho lekin bol na paḌnā
dekh rahe ho shahr meñ kitnā sannāTā hai

chhoḌ ye zillat dasht ko chal
shahr ke ghar ko taalā maar

karte ho apne shahr ko kyā kyā malāmateñ
jis kī kamī hai jā ke to dekhūñ kahīñ bhī hai

aqīdat kab thī isnād-e-shu.ūr-e-fahm kī qaa.il
hujūm-e-shahr kā kuchh pārsā īmān the lekin

ek dard-e-judā.ī kā ġham kyā kareñ
kis maraz kī davā hai tire shahr meñ

is daur ke haiñ qissa-go
ham shahr-zādoñ kī suno

ā.indagāñ kā shahr yā hai raftagāñ kī aarzū
ik gahmā-gahmī kū-ba-kū phailī huī hai chār-sū

ham shahr-zādoñ kī suno
ham rāqim-e-tārīḳh-e-nau

tamām shahr mukarram bas ek mujrim maiñ
so mere ba.ad mirā ḳhūñ-bahā na māñge koī

koī to shahr-e-tazabzub ke sākinoñ se kahe
na ho yaqīn to phir mo.ajiza na māñge koī

na yaar lutf pe maa.il na shahr dard-shanās
kahāñ ye ham dil-e-ummīd-vār le ke chale

fasīl-e-shahr meñ paidā kiyā hai dar maiñ ne
kisī bhī bāb-e-ri.āyat se maiñ nahīñ aayā

bahut ġhanīmat haiñ ham se milne kabhī kabhī ke ye aane vaale
vagarna apnā to shahr bhar meñ makān taale se jaanā jaa.e

ye aarzū hai badal jaa.e rasm-e-shahr-e-vafā
udaas husn na ho ishq sar-garāñ na rahe

kis darja mire shahar kī dilkash hai fazā bhī
mānūs har ik chiiz hai miTTī bhī havā bhī

adam ke kuuch kī lāzim hai fikr hastī meñ
na koī shahr na koī dayār raah meñ hai

havā ne shahr kā naqsha badal diyā shāyad
ġhubār-e-rāh meñ ham sair-gāh dekhte haiñ

tire shahr meñ maiñ chalā thā jab to koī bhī saath na thā mire
to maiñ kis se mahv-e-kalām thā to ye kis kī ham-safarī rahī

jo havas farosh the shahr ke sabhī maal bech ke jā chuke
magar ek jins-e-vafā mirī sar-e-rah dharī kī dharī rahī

Dagar Dagar vahī galiyāñ chalī haiñ saath mire
qadam qadam pe tirā shahr yaad aayā hai