Tags-Shahr

aañsū paanī hai par is se
shahr jalāyā jā saktā hai

ḳhushbū kā qāfila ye bahāroñ kā silsila
pahuñchā hai shahr tak to mire ghar bhī aa.egā

har ghar ke ās-pās samundar lagā mujhe
kitnā muhīb shahr kā manzar lagā mujhe

thā amīr-e-shahr gar apnī jagah bar-haq to phir
ā.īna jab sāmne aayā to kyuuñ ghabrā gayā

mismār ho ga.ī haiñ falak-bos chāhateñ
shahar-e-jafā se ab na mujhe yuuñ pukāriye

us ke dushman haiñ bahut aadmī achchhā hogā
vo bhī merī hī tarah shahr meñ tanhā hogā

junūñ ke shahr meñ niiñ kam-ayār kuuñ hurmat
maiñ naqd-e-qalb kuuñ kāñTe meñ dil ke tol chukā

bāb-e-shahr-e-irfāñ ke nūr-e-chashm kā hai faiz
parcham-e-jahūl-e-vaqt jo jhukā jhukā sā hai

niiñd kyuuñ nahīñ aatī ḳhvāb ḳhvāb āñkhoñ ko
shahr-e-jāñ meñ har jānib kyuuñ ye rat-jagā sā hai

pal bhar meñ sho.ala bhaḌkegā shahr khañDar ho jā.eñge
jaltī sham.eñ haath meñ le kar rūh-e-zamāna niiñd meñ hai

shahr-panāh kī dīvāroñ par ik duzdāna aahaT hai
aur maiñ us ko dekh rahā huuñ shahr to saarā niiñd meñ hai

shahr kā shahr hai udaas udaas
mere baare meñ kuchh sunā hogā

itnī tāzīm huī shahr meñ uryānī kī
raat āñkhoñ ne bhī jī bhar ke badan-ḳhvānī kī

dabdaba baḌhtā gayā shahr meñ ḳhush-hālī kā
mil ga.ī daad mire dasht ko vīrānī kī

ye zulm bhī huā hai mohabbat ke naam par
bānu-e-shahr khīñchī ga.ī hai nakel se

kartā huuñ niind meñ hī safar saare shahr kā
fāriġh to baiThtā nahīñ sone ke bāvajūd

allāh-re vafā.eñ ye ḳhūbān-e-shahr kī
manzar dhuāñ dhuāñ hai suhānā to hai nahīñ

ishq-o-nazar kā dā.imī rishta azal se hai
majnūñ ne shahr chhoḌ ke jaanā to hai nahīñ

jitnā ujḌā hai koī shahr-e-tamannā ai dil
kabhī lagtā hī thā itnā basāyā bhī huā