Tags-Shahr

aaj maiñ ā.īne meñ apnī sūrat tak pahchān na paayā
soch rahā huuñ mujh se ziyāda kaun is shahr meñ tanhā hogā

rafta rafta pahnūñgā saare makhoTe sab kavach
vaqt do ai shahr vaalo dasht se aayā huuñ maiñ

siine meñ jalan āñkhoñ meñ tūfān sā kyuuñ hai
is shahr meñ har shaḳhs pareshān sā kyuuñ hai

ye shahr pattharoñ kā jañgal hai
āshnā ajnabī se milte haiñ

rañg-e-mausam hai aur bād-e-sabā
shahr kūchoñ meñ ḳhaak uḌātī hai

is bhare shahr meñ ham chāk-e-garebāñ Thahre
jis ko dekhā vahī sargarm-e-tamāshā niklā

shahr vāloñ ne inheñ abr-e-karam samjhā naaz
apne aañsū jo havāoñ meñ uchhāle maiñ ne

mel tere kā koī ham ko sajīlā na milā
dekh Daale haiñ har ik shahr ke mele-Thele

hañsnā hañsānā apnā mashīnī amal huā
badlī havā-e-shahr to aadat badal ga.ī

kis shahr se misāl duuñ aqlīm-e-ishq ko
jitnī ye ujḌī aur bhī bastī chalī ga.ī

maiñ ne ik shahr hamesha ke liye chhoḌ diyā
lekin us shahr ko ā.ankhoñ meñ basā laayā huuñ

ḳhudā ke shahr meñ phir koī sañgsār huā
jise bhī dekhiye patthar dikhā.ī detā hai

yuuñ jo DhūñDo to yahāñ shahr meñ anqā nikle
chāhne vaalā jo chāho to nā-aslā nikle

bārish us ne bhejī thī
shahar hamārā Duub gayā

bar-sar-e-hijrāñ bhī vābasta hai ummīd-e-visāl
ham sā shahr-e-ārzū meñ ḳhush-gumāñ koī to hai

is shahr-e-tarab ke shor-o-ġhul meñ
tasvīr-e-sukūt ban gayā huuñ

shahr-e-dil ke har raste par diip jalā.e baiThā huuñ
un kī yādoñ kā ye lashkar mere ghar par utregā

jo dekhte haiñ vo tahrīr kar nahīñ sakte
ye mere shahr ke ahl-e-hunar kā aalam hai

nuqūsh-e-shahr-e-nigārāñ ubhārte hī rahe
mire junūñ ke ujāle tirī lagan ke charāġh

tamām shahr thā jañgal sā iiñT patthar kā
ġhazab vo dekh ke aayā huuñ bād-e-sarsar kā