Tags-Shahr

shahr ke shor meñ sahrāoñ ke sannāTe meñ
maiñ khaḌā soch rahā huuñ ki sadā kis kī thī

ye chhoTī chhoTī sī ḳhvāhisheñ thiiñ
kisī baḌe shahr kī ka.ī manzila imārat se gir paḌīñ haiñ

kī atā har gul ko ik rañgīñ qabā
bū-e-gul ko shahr meñ rusvā kiyā

apnī uryānī chhupāne ke liye
tū ne saare shahr ko nañgā kiyā

faqīh-e-shahr se merā salām kah denā
ki zindagī bhī ibādat hai zindagī ke liye

munsif-e-shahr ko de kaun savāloñ ke javāb
ab kisī shaḳhs meñ bhī jur.at-e-guftār nahīñ

silsila ūñche makānoñ kā hai tā-hadd-e-nazar
shahr meñ phir bhī kahīñ sāya-e-dīvār nahīñ

shahr-e-ehsās thā vo ḳhud bhī 'nigār'
but-kada dil kā jo Dhāyā maiñ ne

dikhā.ī jā.egī shahr-e-shab meñ sahar kī tamsīl chal ke dekheñ
sar-e-salīb īstāda hogā ḳhudā-e-injīl chal ke dekheñ

yād-gār-e-harm-o-dair hai TuuTā huā dil
shahr vīrān huā ek ye ghar baaqī hai

āshnā ek hai is shahr meñ 'āsim' merā
aur vo dushman-e-bebāk mirī taak meñ hai

ab ahl-e-shahr kis liye 'shādāñ' se haiñ ḳhafā
aatā hai shahr meñ vo bechārā kabhī kabhī

ab ke is tarah tire shahr meñ kho.e jaa.eñ
log mālūm kareñ ham khaḌe ro.e jaa.eñ

is shahr kī dīvāroñ meñ hai qaid mirā ġham
ye dasht kī pahnā.ī meñ haiñ yādoñ ke jalse

sunā hai raat bhar barsā hai bādal
magar vo shahr jo pyāsā rahā hai

ḳhālid ye rañg-e-shahr na thā ham se peshtar
sad-shukr kargasoñ ko koī baaz to milā

na.ī na.ī āvāzeñ ubhrīñ 'pāshī' aur phir Duub ga.iiñ
shahr-e-suḳhan meñ lekin ik āvāz purānī baaqī hai

kah rahā hai jis kī nazroñ meñ barābar haiñ sabhī
is amīr-e-shahr kā farmān aadhā rah gayā

kuchh roz se ham shahr meñ rusvā na hue haiñ
aa phir koī ilzām lagāne ke liye aa

ajiib kaifiyat-e-jazb-o-hāl rakhtī hai
tumhāre shahr kī āb-o-havā hamāre liye