Tags-Shahr

vo shahar kī is bhiiḌ meñ aatā nahīñ 'afzal'
phir bhī chalo dekheñ kahīñ aayā to nahīñ hai

dhuup ke shahr meñ mere bhī ka.ī din guzre
sar pe barsī thī jo barsāt batāne kī nahīñ

sunā hai shahar meñ zaḳhmī diloñ kā mela hai
chaleñge ham bhī magar pairahan rafū kar ke

ḳhauf se shahr sahme mile the sabhī
ġham-zada un meñ un kī javānī milī

pahle gumān ye thā ki maiñ ḳhud huuñ rāz-e-zīst
ab phir rahā huuñ shahr meñ nādān kī tarah

ġhālib ke shahr shāhid-o-naġhma meñ ham salām
bikhre paḌe haiñ 'mīr' ke dīvān kī tarah

ek ik saañs meñ sadiyoñ kā safar kāTte haiñ
ḳhauf ke shahr meñ rahte haiñ so Dar kāTte haiñ

qātil kā mil sakā na bhare shahr meñ surāġh
har chand merā ḳhuun thā phailā shafaq shafaq

sarfaroshī ke andāz badle ga.e dāvat-e-qatl par maqtal-e-shahr meñ
Daal kar koī gardan meñ tauq aa gayā laad kar koī kāñdhe pe daar aa gayā

dil meñ umañg āñkhoñ meñ hasrat liye phirūñ
maiñ shahr shahr terī mohabbat liye phirūñ

tū chalā gayā hai to shahr phir vahī dasht-e-ġham hai mire liye
vahī maiñ huuñ aur mirī zindagī mire āñsuoñ meñ bharī huī

ek zamāna guzrā ham bhī tere shahr ke baasī the
aaj bhī āñkhoñ meñ phirtī hai sūrat tere dayāroñ kī

ḳhair un dinoñ to chāk-garebānoñ kī izzat hotī thī
aaj to ḳhair se tere shahr meñ izzat hai dastāroñ kī

maiñ huuñ is shahr meñ tāḳhīr se aayā huā shaḳhs
mujh ko ik aur zamāne meñ baḌī der lagī

tire shahr-e-tarab kī raunaqoñ meñ
tabī.at aur bhī ghabrā rahī hai

hai tahayyur-zada is shahr meñ ḳhāmoshī bhī
ki sunā.ī nahīñ detī koī sargoshī bhī

hai usī shahr kī galiyoñ meñ qayām apnā bhī
ek taḳhtī pe likhā rahtā hai naam apnā bhī

mubtalā kār-e-shab-o-roz meñ hai shahr 'naved'
aur isī shahr meñ gum hai koī kaam apnā bhī

aañkh bhar dekh lo ye vīrāna
aaj kal meñ ye shahr hotā hai

shahr meñ dasht meñ pahāḌoñ meñ
ham bhaTakte phire vafā ke liye